لا دين ولا تربية قالك تجرح فيا .. أول رد من سوزي الأردنية لحسين أبو حجاج

أثرت التيك توكرز سوزي الأردنية الجدل بسبب حضورها العرض الخاص لفيلم «الشاطر»، بطولة أمير كرارة وهنا الزاهد.

تعرضت التيك توكرز سوزي الأردنية إلى هجوم كبير حيث رفض البعض وجودها في مناسبة فنية، منهم الفنان حسين أبوحجاج الذي شن هجومًا عليها عبر حسابه الشخصى بموقع فيس بوك. 

وردت سوزي الأردنية من خلال مقطع فيديو عبر حسابها على منصة «تيك توك»،  على الانتقادات التي تعرضت لها قائلة: «انا مش على كيف حد، شوية الناس بتحبني وشوية بتكرهني، اليوم اللي رحت فيه العرض الخاص عادي جدا ده عرض خاص لفيلم، أي حد ممكن يتعزم فيه، الناس بعد ما كانت حباني مرة واحدة إزاي تحضر عرض خاص؟ وهي هي الناس اللي كانت حباني هي اللي بتهاجمني».

وأضافت : سوزي على هجوم الفنان حسين أبوحجاج عليها قائلة: «القبول ده بتاع ربنا محدش يعرف أنا بيحصل معايا إيه ورا الكاميرا أو بعاني إزاي.. لا دين ولا تربية ولا تعليم قال إنك تجرح مشاعر اللي قدامك، اللي بيقول أنا اتشهرت عشان قولت لفظ وشتمت وأنت إنسان كويس وإنسانة وحشة».

وتابعت: «اللي قاعد بيهاجمني وبيقول لا دي متمثلش ولا تظهر ولا تطلع أنت مين؟ أنت مش أهلي، ليك حرية الرأي بس ملكش أنك تجرح فيا أنا مش بقولك حبني أو تابعني بس متجرحش فيا».