أنهت عزوبية المعلم واتجوزوا سكيتي.. بعد 53 سنة عازب.. والعروسة مديرة أعمال عمرو دياب السابقة.. مصطفى شعبان أخيرا في القفص الذهبي..
انتهاء حياة العزوبية
تصدر اسم هدى الناظر مديرة اعمال عمرو دياب السابقة التريند على كل منصات السوشيال ميديا.. وده بعد اخبار جوازها من الفنان مصطفى شعبان.. بحسب مصادر مقربة من الفنان..
علشان أخيرا يقرر الفنان مصطفى شعبان دخول القفص الذهبي بعد سنين من العزوف عن خطوة الجواز.. واللى بررها بإنه نصيب.. ولسه ملقيش الشخص المناسب..
مش اول مرة
ودي مش اول تنتشر أنباء عن جواز مصطفى شعبان مديرة أعمال عمرو دياب السابقة.. هدى الناظر.. وسبق وانتشر الخبر من حوالي 3 شهور.. واتفاعل معاه وقتها الجمهور بشكل كبير .. خاصة أن مصطفى شعبان اشهر عريس في الدراما المصرية.. وزوجاته كتير.. في التمثيل ..لكن في الحقيقة مكانش له علاقة بالسكة دي خالص..
وكانت مصادر قالت ان مصطفى شعبان يجهز لزواجه من هدى الناظر.. هيكتبوا الكتاب الأول وبعد انتهاء موسم رمضان 2024.. هيعملوا الفرح.. وقال إن مصطفى شعبان وهدى مرتبطين من فترة طويلة وتجمعهم علاقة حب.. لكن الأمور دلوقتي بقت ضبابية شوية.. علشان دلوقتي يتأكد الخبر انهم اتجوزوا بس سكيتي احتراما لمرض والدها..
https://www.facebook.com/share/v/Gg2nq8nwPrYWTPfV/?mibextid=oFDknk
من هي هدى الناظر؟
لكن هي مين هدى الناظر الل قضت على عزوبية مصطفى شعبان.. هدى سيدة أعمال مصرية.. اتولدت في القاهرة سنة 1982.. حصلت على شهادة البكالوريوس في إدارة الأعمال من الجامعة الأمريكية بالقاهرة سنة 2006..
وقدرت تكون مديرة اعمال عمرو دياب.. لسنين طويلة جدا.. وكانت الجندي المجهول حرفيا في حياة عمرو دياب.. طول فترة شغلها معاه.. وسابت الشغل معاه قبل فترة من ارتباطه بدينا الشربيني.. واتقال أن خلافاتها مع دينا كانت السبب وراء استغناء عمرو دياب عنها.. لكن في رواية تانية بتقول.. إن السبب في استغناء عمرو دياب عنها هو انه رجع للتعاون مع شركة روتانا.. ويرجع اسمها تاني للساحة الفنية بعد أنباء جوازها من مصطفى شعبان.. الل لحد دلوقتي ملتزم الصمت لا أكد ولا نفى..
جواز وحيد
وقبل هدى الناظر مدخلش مصطفى شعبان عش الزوجية رغم وصوله لسن 53 سنة.. وده اللي تفسره.. بان سبب عزوفه عن الجواز لحد دلوقتي انه مفيش نصيب.. وانه مش ضد الفكرة ولا حاجه.. لان كل حاجه ليها جوانب حلوة وجوانب وحشه.. ولو لاقى حاجه مش هيمانع من الزواج..
لكن بردو هدى الناظر مش اكيد انها الست الوحيدة في حياة مصطفى شعبان الل حياته الشخصية غامضة جدا ومحدش يعرف عنها حاجه.. وتقارير صحفية كتير اكدت ان مصطفى شعبان اتجوز مرة واحدة من بنات خارج الوسط الفني.. واتقال ان الجوازة مستمرتش غير 7 شهور بس بسبب خلافات حصلت بينهم وانتهت الزيجة بالطلاق..
غير ارتباطه بقصة حب مع بنت اوروبية.. لكن الزيجة بينهم ما اكتملت بسبب أسباب خارجة عن إرادتهم.. لكن مصطفى شعبان في تصريحات تلفزيونية.. قال انه مرتبطش رسمي غير مرة واحدة.. وكانت خطوبة في 2006.. متمتش بسبب عدم التفاهم بينهم لأنهم كانوا صغيرين.. واكد على انه بيرفض الجواز من الوسط الفني.. لأنه يحب زوجته تكون متفرغه تماما.. ومتشتغلش عنه بأي مهنة..
تفتكروا أنباء زواج مصطفى شعبان المتكررة من هدى الناظر إشاعة ولا مفيش دخان من غير نار؟!
