متطفلين ومعزمتهمش.. صوروني بالروب ومكنتش اعرف.. صورتهم وهقول اسمهم واحد واحد في لايف.. حطوني في مشكلة مع الفنان احمد عبد العزيز.. انفعال بدرية طلبة في تسجيل صوتي بسبب تسريبات فرح ابنتها..
انفعال بدرية طلبة
انفعلت الفنانة بدرية طلبة في تسجيل صوتي لها.. اتكلمت فيه عن بعض المصورين المتطفلين اللى اقتحموا فرح بنتها من غير عزومه.. وكانت بدرية رحبت بالكل في الفرح وسمحت بدخول الجميع بعد ما كانت مانعة التصوير تماما..
عبرت بدريه عن احترامها للصحفيين والصحافة المحترمة البعيدة عن التطفل وتصيد الأخطاء.. وقالت إن كان في مؤسستين استأذنوا منها الحضور.. وسمحت باثنين من كل مؤسسة.. قبل ما تتفاجئ بعدد كبير جدا كل ما تسأل حد فيهم انت مين يقولها انا صحفي.. واتعاملت مع الكل بلطف وكانت حريصه انها تنبه من البداية انها مش عاوزه لقطات مسيئة.. لكنها للأسف تفاجأت بعكس كد بعد الفرح.. وأنها تعرضت لانتقادات كبيرة جدا واتشتمت على السوشيال ميديا بشكل كبير..
الروب القصير
خاصة بسبب لقطة الروب القصير اللى انتشرت صورها وفيديوهاتها بيه في كل حته.. وعن كواليس اللقطة دي قالت بدرية أنها.. كانت في اوضتها.. واتفاجأت بحد بيتصل بيها بيقولها انزلي بنتك عاوزاكي.. نزلت وفاكره البنت لوحدها.. لكن اتفاجأت ببنات كتير متعرفهمش.. وكل ما تسأل واحده فيهم انتي مين تقولها انا صحفية..
وطالبت بدرية طلبة من كل الل نشر الصور والفيديوهات دي يمسحها فورا.. لانها متلقش بها كأم وجدة وست بتحترم نفسها.. خاصة ان الصور دي اتخذت لها خلسة من غير متوافق ولا حد يستأذنها.. وقالت انهم حتى لما طلبوا منها تنزل تتصور مع بنتها لبست عباية..
<https://www.facebook.com/plugins/video.php?height=476&href=https%3A%2F%2Fwww.facebook.com%2FOnetakefan%2Fvideos%2F845491120743167%2F&show_text=false&width=356&t=0strong>
تطاول على الصحفيين:
واللى مضايقها اكتر أن البعض كتب عنها أنها تطاولت على الصحفيين في الفرح بألفاظ خارجة وطردتهم.. وبدري قالت العكس تماما وأكدت أنها استقبليهم أحسن استقبال رغم أن البعض كان عامل مشاكل.. بالتصوير مع الفنانين والتطفل عليهم.. وانها كانت بتحاول تهندل الأمور بين الكل علشان الليلة تطلع حلوة..
وزاد الطين بله.. ربط وجود الشاب ذو القدرات الخاصة.. الل حصلت معاه مشكلة الفنان احمد عبد العزيز في جنازة الفنانة شيرين سيف النصر.. بوجوده في الفرح مع تصريح لـ بدرية طلبة.. المفروض انها بتقول فيه.. ده اهم واحد في الفرح و عزمته عشان اجبر بخاطره..
شاب ذو احتياجات خاصة
وبدرية اكدت انها مكانتش تعرف مين ده ولا قالت كدة. اتفاجئت بيه في الفرح ف اتصورت معاه وجبرت بخاطره بس علشان حالته مش علشان هو صاحب المشكلة.. وقالت ان حد من الصحفيين الذين كانوا موجودين جابوا معاه علشان ياخد بيه لقطه.. ودافعت عن الفنان احمد عبد العزيز.. وقالت ان المشاكل دى اللى بيعملها صحفيين الجنازات والأفراح اللي يروحوا علشان يتصيدون أخطاء الفنانين ويخرجونهم وحشين ويشتموا من الناس.. وان الفنان المحترم احمد عبد العزيز كان يعرف منين انه من ذوي الهمم.. هو كان في موقف واحد يتطفل عليه.. واكدت انها مستحيل تحطه في موقف محرج.. وانها متعرفش الشاب ومش هي الل عزمته..
وكانت نشرت بدرية صورتها معاه وكتبت.. انا لاقيته في الفرح ومكانش ينفع اعمل اي رد فعل الا اني ارحب بيه وللاسف دا شخص منساق فيه ناس بتسترزق من وراه.. واستفادوا منه ومن اي لقطه تحصله ماشين وراه بكاميرات التليفونات بتاعتهم وبقوة في اي حتة وفي أي حالة مستفيدين منه ويكررها لا عزمته ولا اعرفه وكونى ارحب بيه دا امر طبيعي.. وكملت وقالت انا مش بتاعة تريند علشان جيب حد يعملني تريند.. لان انا ترند من غير حاجه..
