اتخانقنا وقطعنا بعض .. أسما شريف منير عن صداقتها بـ عمرو جمال : إحنا حكاية تانية خالص
كشفت البلوجر أسما شريف منير عن علاقتها القوية بالفنان عمرو جمال ومدي ترابطهما القوي ببعضهما.
ونشرت أسما من خلال حسابها الشخصي بموقع التواصل الإجتماعي: إنستجرام ” مجموعة صور برفقة عمرو جمال وعبرت عن سعادتها بتطور العلاقة إلى شراكة في مجال العمل إلى جانب كونه سبب تعرفها بزوجها.
وكتبت أسما: ” ناس كتير وقفوا في طريقنا كأنهم بيحاولوا يهدّوا كل حاجة بنيناها بس أنا وعمرو حكاية تانية خالص إحنا مش بس أصحاب، ولا بس شُركا، إحنا عيلة واخترنا ده بإرادتنا الناس بتقول إن النجاح محتاج ناس شبهك، نفس الروح، نفس الهدف وإحنا فعلاً اخترنا بعض ده احنا حتى برج الحمل زي بعض.
وأضافت أسما “مامته بقت أمي، تهتم بيا كإني بنتها بالظبط، وأخواته أخواتي بجد، انتوا عارفين عمرو هو اللي عرفني علي جوزي و هما الاتنين يعرفوا بعض قبلي بسنين دي مش صدفه كده كده أنا بحب عمرو لإني شوفته في كل حالاته وشوفت أسوأ ما فيه وبرضه قررت انه عيلتي عارف عني كل حاجة، وهو نفس الحكاية”.
وتابعت: “اتخانقنا وقطعنا بعض ورجعنا تاني لأننا منعرفش منبقاش في حياة بعض وسافرنا سوا جوه مصر وبراها، اشتغلنا سوا على نفس الحلم، وعلى بعض كمان”.
واختتمت أسما حديثها قائلة: “سهرنا، خرجنا، ضحكنا، وقعنا، وشدينا بعض لطريق ربنا سوا، جازفنا، وفتحنا “عالم تاني” والناس كلها قالت مستحيل بس صدقنا في بعض وكفانا ده ودلوقتي “عالم تاني” بيكبر بينا أنا بحبك يا عمرو وهفضل أختارك لآخر يوم في عمري”.
