بعد أزمة مرضه آدم الشرقاوي : مش بفضل أمريكا عن مصر وبشكر المصريين على دعمهم ليا
كشف الفنان الشاب آدم الشرقاوي عن حبه لمصر وأنه لا يفضل العمل في أمريكا عن مصر بل كان سبب ابتعاده مؤخرًا عن الساحة الفنية بسبب تعرضه لوعكة صحية.
ووجه آدم من خلال حسابه الشخصي بموقع التواصل الإجتماعي” إنستجرام ” رسالة شكر لجمهوره بعد دعمهم له في أزمة مرضه .
وكتب” شكرًا لكل الناس اللي تواصلوا معايا، ولكل الدعم والاهتمام، وشكرًا للصحافة والجمهور وكل اللي تابعني أونلاين. هاحاول أبطل أكون حساس وغريب بعد البوست ده”.
وأضاف: “جاتلي رسايل كتير بتسألني ليه مش بشتغل في مصر؟ وإن السبب إني بفضّل أمريكا لكن الحقيقة إن مصر اديتني كتير أوي بابا كان دايمًا يقولي: مفيش زي مصر، وهو وماما كانوا دايمًا بيشجعوني أهتم بالثقافة بس بصراحة، وأنا صغير مكنتش فاهم، كنت غبي”.
وتابع آدم حديثه قائلًا: “اشتغلت في مصر مع أحسن ممثلين ومخرجين، والناس استقبلوني بحب كبير رغم إني عشت أغلب حياتي في أمريكا بعد مسلسل لعبة نيوتن حسيت إن الناس قبلتني كأني ما سبتش مصر خالص”.
واختتم رسالته قائلًا: “رغم إن لغتي العربية مش قوية، ورغم إن الثقافة كانت جديدة عليّ، وبرغم إحساسي أحيانًا إني مش أستاهل، لكن المصريين فضلوا يدعموني ويقبلوني شكرًا يا مصر”.
