غلطت واعترفت بغلطها كفاية.. راندا البحيري تدافع عن مها الصغير
خرجت الفنانة راندا البحيري عم صمتها لتعبر عن حزنها الشديد من الهجوم الذي تعرضت له الإعلامية مها الصغير بعد اتهامها بسرقة لوحات فنية.
وكتبت راندا من خلال حسابها الشخصي بموقع التواصل الإجتماعي” فيسبوك ” ما خلاص بقي غلطت و اعترفت بغلطها و مُعرضة لمشاكل كتير جداً زي الحبس و الغرامات و غيره بسبب غلطتها إللي هي بالمناسبة معترفه بيها و إتأسفت عنها قدام العالم كله .
وأضافت : أنا أصلاً آسفه إني بتكلم في حاجه زي كده و بتدخل في ما لا يعنيني و من حُسن إسلام المرء تركه ما لا يعنيه، إنما إحنا بقينا عايشين علي كوكب مع مليارات القضاه ، كلنا بقينا بنقاضي بعض كلنا بقينا بنحكم علي بعض.
وتابعت : ونسينا إنها صفه إلهيه و مش من حق حد يحكم علي حد حتي لو اللي قدامه غلطان يدعيله بالهدايه فقط إزاي بقت الناس قاسيه كده.
واختتمت حديثها: محدش من البوستات دي كلها فكر يقول يارب متحطينيش في ظروف تخليني اعمل حاجه شبه كده يارب متسلطش عليّ دماغي تخليني اغلط يارب سترك حتي لو أنا خطاء و كل ابن آدم خطاء و خير الخطائين التوابون ،أنا بجد آسفه ، آسفه أوي علي اللي وصلناله من وحشيه.
