ملك أحمد زاهر تثير قلق جمهورها: بقالي 3 أيام تعبانة والناس شايفة الحلو اللي في حياتي وبس

كتبت: أميمة أحمد

أثارت الفنانة ملك أحمد زاهر قلق جمهوره بعدما أعلنت عن معاناتها مع المرض والاكتئاب.

وكتبت ملك في خاصية ستوري عبر حسابها الرسمي بـ إنستجرام:”طب انا عمري ما كنت بنزل غير الحاجات اللذيذة أو الهزار أو الحاجات الإيجابية من الآخر ولما كنت أنزل حاجه سلبية كنت باخدها بهزار وبخليها للـ close friends وبهزر بيني وبين صحابي”.

وتابعت:” بس حاسة إن الفترة الأخيرة بيجيلي كومنتات كلها ما انتي عايشه ومبسوطة وإحنا مش عايشين وايه كل اللي انتوا فيه وحاسه إن في ناس بصه على اتفه الحاجات، اللي ممكن تكون عندي أو بتبسطني زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة مناسبه معينه”.

وأكملت:”حبيت اقولكم ان الحياة مش وردي وبقالي 3 أيام تعبانة شوية وعندي حاجه لحد دلوقتي مش فاهمين سببها ايه وجت فجأة وكنت قبلها زي الفل وفي حوالي نص ساعة مش عارفه انزل او حد يشوفني باللي انا فيه ونفسيتي وحشه اوي وانا بحكي الكلام ده عشان تعرفوا ان حياتي فيها الحلو والوحش والله زي اي حد بس انا بحب دايما اشير الحلو بس وغالبا ده غلط”.

وأضافت:” فقررت اشاركم الوحش كمان، مع ان اللي بيحصلي دلوقتي انا بحمد ربنا عليه وعارفه انه بإذن الله هيكون حاجه بسيطه وان شاء الله اخف، وكله يبقى تمام بس مخلي نفسيتي وحشه اوي”.

واختتمت:” حقيقي كل اللي طلباه انكم متحكموش على حد من السوشيال ميديا او من ظهوره في اي حاجه لأنها بتوري 20% من حياته .. ادعولي اخف وشكرا”.

ومن جانب آخر يذكر أن ملك حققت نجاحا مستحقا جماهيريا من خلال مسلسل “سيد الناس” من بطولة عمرو سعد والذي نافست به في السباق الرمضاني الماضي.