“بترمي افيهات وعايز تبقي تريند “..مخرجة فيلم “ريستارت” تهاجم الناقد طارق الشناوي
هاجمت المخرجة سارة وفيق مخرجة فيلم “ريستارت” الناقد طارق الشناوي، بعد النقد الجارح الذي قدمه عن فيلمها، وذلك عبر حسابها الشخصي على موقع التواصل الإجتماعي الفيسبوك.
وكتبت:” استاذ طارق الشناوي في فرق كبير بين الأمانة وبين النقد، حضرتك بتقول ان مفيش موضوع في الفيلم ودي حاجه ضحكتني جدا لان احنا بنتكلم عن موضوع الساعه موضوع العصر اكبر موضوع يهمنا ويخصنا حاليا
كلامك فكرني بمشهد في الفيلم للفنان محمد ثروت وهوه بيقول انا أعمل اي حاجه عشان ابقي تريند ( احنا خدامين التريند ) وسمع كلام الچوكر ( الفنان باسم سمره ) اللي بيشتغل لاغراض ناس.
وأضافت:” مبروك يا استاذ طارق عرفت تبقي تريند من غير ما تنتقد الفيلم .. تخبط في القائمين علي العمل بعيد عن العمل نفسه ولا اتكلمت عن إيجابياته و سلبياته، لا ههاجم اشخاص وبكده هطلع تريند بسرعه ، ده موضوع الفيلم اللي انت مافهمتوش أصلا ولا هو جالك ع الجرح ؟؟
وتابعت:” و على فكره انا كمان بعرف اعمل تريند و هنطلع تريند انا وانت ،، بس أنا علي حق وهمنشنك عشان تظهر بسرعه، انت بتقول ان اغنية المقص عجبتك بس هي مش داخل الفيلم لا يا استاذ طارق الأغنية في الفيلم بس شكل اللي بيمليك اتلخبط ، ادخل شوف الفيلم اللي انت مشوفتوش واحكم عليه بنفسك وبلاش الأفكار السطحية اللي بتقولها علي كل الأفلام لانك لو شوفت ريستارت فعلاً كنت هتعرف ان قصته أهم ما فيه”.
واختتمت:” و بعدين حضرتك بتتكلم عن أدوات المخرج والمؤلف ولم تستخدم أدواتك كناقد فني ياريتك قولت حاجه نستفيد بيها بدال مانت طالع ترمي افيهات و افيهات وحشه كمان، الرقم اللي متحقق جوه مصر و برا مش مجامله يا استاذ طارق ده الجمهور الحقيقي اللي بنخاطبه دول مش ولاد اختي مثلاً ، الفيلم لسه نازل وداخل علي خمسين مليون داخل مصر فقط ودا نجاح مفرح كل صناعة الحمد لله على العموم دي كلمتك ورأيك و الجمهور قال كلمته برضو
