محمد التاجي يبكي خلال حديثه عن والدته: كنا بنحط فلوسي على فلوسها ونقسمها سوا (فيديو)
كشف الفنان محمد التاجي كواليس الساعات الأخيرة في حياة والدته الراحلة، معبرًا عن شعوره بالحزن والإنكسار كلما ذكر أحد اسمها.
وقال «التاجي» خلال حلوله ضيفًا على برنامج بنظرة تانية، على قناة الشمس، تقديم محمود الجلفي، إن والدته توفت وهو غير موجود بالمنزل، وكان يتمنى فقط أن يسمع منها كلمة تؤكد رضاها عنه.
وتابع: مرينا أنا وهي بظروف صعبة جدا، ورغم ذلك كنا بنحط فلوسي على فلوسها ونقسمهم علشان نقدر نعيش، ونزعل ونتخانق ونتصالح ونكمل، لكن موتها كان صدمة بالنسبالي، علشان كدة سيرة أمي بتوجعني أوي، وبتخليني أعيط من غير ما أحس.
محمد التاجي يكشف سر عن والدته الراحلة
واستكمل محمد التاجي: سر حبي لأمي لأنها ضحت علشاني أنا وأختي رحمة الله عليها، ورفضت تتجوز مليونير رجل أعمال خليجي علشان تربينا في حضنها، ومحدش يأخد اهتمامها غيرنا.
وعن موقف والدته مع والده بعد طلاقهما، أكد «التاجي»، أنها كانت تتعامل معه بكل الود والإخلاص، قائلًا: «أبويا كان بييجي البيت عندنا عادي جدًا، ولا كان بيحصل أي خلاف رغم انفصالهم، وكان بيقعد معانا ويخرجني أنا وأختي، وهو دة الأصل اللي أتربينا عليه الود رغم الانفصال.
موعد عرض برنامج بنظرة تانية
برنامج بنظرة تانية، تقديم محمود الجلفي، يذاع على قناة الشمس كل يوم خميس في تمام الساعة الثالثة عصرًا
