أمير مرتضى منصور: أنا وعيلتي فرضنا السيطرة على الزمالك وكنت بعمل مكافأة من جيبي للاعبيه” 

حل أمير مرتضي منصور ضيفاً في برنامج أسرار مع الإعلامية أميرة بدر المذاع عبر قناة النهار، وكشف خلال اللقاء عن العديد من الأسرار خلال توليه هو ووالده رئاسة نادي الزمالك. 

تصريحات أمير مرتضى: 

علق أمير مرتضى، المشرف السابق على الكرة بنادي الزمالك، على ما تردد من أقاويل أن الزمالك عزبة مرتضى وأولاده قائلًا: “فكرة ان فيه عيلة مكونة من 3 أشخاص بيشتغلوا عمل عام في مكان واحد ومسيطرين على النادي، دي حاجة حقيقية ومتعيبش.

المكان اللي بنديره يا نبسط عليه سيطرة حقيقية يا إما منبقاش موجودين، لان الناس جابتنا عشان ده، وده اتكرر في أندية كتير زي الإسماعيلي وآل عثمان، وحصل في الأهلي مثال كابتن صالح سليم وكابتن طارق سليم، ودول اساطير بالنسبالي”.

أمير مرتضى : مش لازم يبقى عنده عقده 

وقال أمير مرتضى، خلال استضافته ببرنامج “أسرار” مع الإعلامية أميرة بدر المذاع على قناة النهار: “انا مش شايف ان لازم يبقى عندنا عقدة لو حد نجح في مكان فيبعد أسرته، ما ممكن احنا الاتنين عشان متربيين في بيت واحد على حب النادي مثلًا نديله كتير، وصرفت ملايين ووصلت لمرحلة اني بصرف اللي محوشه كمان، وكنت بحلم اني العب في المكان كورة فا بقيت بدير الكرة في المكان كله، وكنت بعمل مكافآت من جيبي للاعيبة، ولو لاعب ما عايز احمسه بطريقتي او عنده ظروف خاصة وهو لاعب صغير كنت بعمل كده”.

https://fb.watch/r6U4wjRp_t/