محتاجين وقفة مع النفس والروح غذاؤها اللجوء لربنا.. تامر حسني يوجه رسالة لجمهوره
حرص الفنان تامر حسني على توجيه عدة نصائح لجمهوره وذلك من خلال حسابه الشخصي بموقع التواصل الإجتماعي” فيسبوك “.
ونشر تامر مقطع فيديو وقال من خلاله: معلش كلمتين في قلبي مهمين هما اللي خلوني أتكلم كده في الڤيديو ده الإنترنت والسوشيال ميديا خدوا كل أوقات حياتنا وخلونا محنيين وباصين تحت في تليفوناتنا وما أشبه ومبقاش في وقت إننا نبص فوق لربنا و نقوي روحنا بالفضفضة معاه لا الفضفضة بقت وانت باصص تحت في التليفون والآي باد واللاب توب والكمبيوتر شوف شغلك عادي وهزر و العب بس متنساش الأهم إنك مخلوق من طين وروح.
وأضاف وزي ما الجسم غذاؤه الميه والأكل روحك غذاؤها اللجوء لربنا والنظر له والكلام معاه في صلاتك أو في ذكرك ودعائك وكمان محتاجين وقت للتفكير في المستقبل وإزاي نكبر صح ونتدرج في نجاحنا بشكل منطقي سليم بجد بقينا مدمنين سوشيال ميديا وتليفونات وشكلنا بقى غريب والخطر ده طالنا وطال ولادنا لازم فعلاً وقفة مع النفس وإعادة تفكير من جديد في علاقتنا بالإنترنت.
