تصدرت الفنانة سمية الخشاب وآيتن عامر التريند على السوشيال ميديا.. بعد ظهورهم مع بعض في برنامج رامز جاب من الأخر.. فاختارهم رامز عشان يكونوا ضحاياها يصالحهم على بعض.
بعد الخلاف القديم اللي حصل بينهم.. واللي بدأ بخناقة على فستان سهرة ظهرت بيه سمية الخشاب الأول.. وبعدها بكام شهر ظهرت بيه آيتن عامر في مناسبة ثانية.. وطبعا سمية اضايقت جدًا من تصرف “آيتن” وقالت إنها بتقلدها.. أما “آيتن” ردت وقتها وقالت إنها متعرفش إن سمية لبسته قبل كدا.
وإنها مش بتحب استايل سمية خاصة إنها اكبر منها في السن.. ومن وقتها والاتنين واقعين في بعض.. لكن الوضع اتغير بعد ما قرر “رامز” يستضيف الأتنين.. وفعلا اتصالحوا وكانوا بيساعدوا بعض في المقلب.. وخلصوا الحلقة ورجعوا الاتنين صحاب تاني ومفيش بينهم أي خلاف.
آخر أعمال أيتن عامر :
ويذكر أن تشارك أيتن عامر بمسلسل “زوجة واحدة لاتكفي” في السباق الرمضاني الحالي، والعمل هو إنتاج مصري كويتي مشترك، ويشارك في بطولته ماجد المصري، نور الغندور، ومجموعة من نجوم الكويت، وتدور أحداث العمل في إطار إجتماعي درامي مشوق.
