خرابة بيوت وقالت عليه شيطان.. السر وراء انسحاب سعد الصغير من «العرافة»

قالها انتي خرابة بيوت.. وساب البرنامج ومشي.. للمرة التالتة.. سعد الصغير ينسحب من برنامج العرافة على الهواء.. بسبب سؤال بسمة وهبة..

وصفته بـ الشيطان

للمرة التالتة ينسحب سعد الصغير على الهواء من برنامج العرافة بعد سؤال للاعلامية بسمة وهبة.. واضطر ها انها تنهي الحلقة.. وخلال البرنامج الذي يعرض حاليا ضمن موسم رمضان 2024.. استضافت بسمة وهبة سعد الصغير.. ورفض استكمال الحلقة بعد ما وصفته بـ الشيطان.. وقالت له.. أنت شيطان بصارحك بحقيقتك.. سعد الصغير يكفر عن أخطائه وجاي يتوب هنا.

وانفعل عليها وقالها مينفعش يا دكتورة تقولي على خلقة ربنا شيطان.. انتي مذكرة دين.. ولما ادته بسمة السؤال الأخير في الحلقة.. اتعصب سعد وقالها.. ده نفس سؤال السنة اللي فاتت وقلت لك أنتِ خرابة بيوت.. متشكرين أوي وربنا يكرمك يا ست الكل.. وساب الحلقة على الهواء ومشي.. وهو ماشي قالها انا مش عاوز فلوس منك وحلف انه مش قاعد تاني.. وقالها لو انا شيطان انتي تبقى ايه.. 

https://www.facebook.com/share/v/tpCwgYHeHXWNG9oY/?mibextid=oFDknk

مش المرة الأولى

ودي مش المرة الاولى السنادي الل ينسحب حد من العرافة بعد السؤال الأخير.. ف سبق سعد الفنانة شيرين رضا.. الل بمجرد ما شافت السؤال وشها اتغير واتعصبت وسابت الحلقة ومشيت واضطرت بسمة وهبة أنها تختم الحلقة.. 

وبالنسبة لسعد الصغير دي المرة الثالثة التي ينسحب فيها من العرافة لدرجة ان الناس بقت مقتنعه انهم متفقين.. السنة اللي فاتت بردو انسحب سعد الصغير من الحلقة.. بعد ما سيخ العرافين سأله جبت لبس العيد لاولادك ولا لا.. ورد سعد وقالهم مش هجبلهم هما كبار يجيبوا لنفسهم.. ف قالوا شيخ العرافين ان عنده 3 ولاد صغيرين غير ولادة من مراته الاولى.. 

 فيديو يضيع مستقبله

وقتها اتعصب سعد وخلع المايك ورماه ومشي من البرنامج.. وقالت وقتها بسمة وهبة.. أنا مش هنادي له ولا هجيبه، وهنزلها. لأن موضوع عنده 3 ولاد تانيين دي فيها إيه؟ احنا قلنا حاجة عيب؟ ما تنكر يا أخي.. وقالت انه بيمثل.. 

وقبلها في رمضان 2021.. كرر سعد الصغير نفس الحركة.. وساب البرنامج ومشي بعد ما قرروا يعرض له فيديو على الهواء.. وبالرغم من أن بسمة وعدته انها مش هتعرض الفيديو.. إلا أنه صمم انه ينسحب من البرنامج.. وقال سعد ان الفيديو ده فيه خراب بيوت وهيضيع مستقبله.. 

وخلال حلقة السنادي كشف سعد الصغير أن بوسي بتغير منه فنيا.. وقطعت علاقتها بيه بعد ما وقف جنبها. 10 سنين.. وقال إن بوسي استعانت بيه علشان تخرج من أزمتها مع طليقها الأول.. قبل ما تجيب ناس وتكاتفه.. وضربته بالشبشب على وشه وحبسته.. لحد ما مات من القهر جوه السجن.