هبة تاتو أشهر تيك توكر في دراما رمضان 2024.. خالتها إلهام شاهين.. ووالدتها كانت الحب الأول لعمرو دياب.. نصها مصري والنص التاني لبناني.. أثارت الجدل بقبلة في فيلم.. ولا تؤمن بالسينما النظيفة.. مين هي إلهام صفي الدين نجمة لأعلى نسبة مشاهدة..
ظهور مختلف
بصفات تكتيكية خالصة.. ظهرت إلهام صفي الدين في ثوب هبة تاتو.. عشان تخطف الأنظار في مسلسل لأعلى نسبة مشاهدة.. اللي اعتبره كتير من النقاد الحصان الأسود في دراما رمضان 2024.. بعد ما قدر يعالج واقع حقيقي بنعيشه على منصات السوشيال ميديا بطريقة سلسة وبسيطة..
وأحداث المسلسل مأخوذة عن قصة حقيقية.. بعن بنت من عيلة بسيطة تعاني من الفقر وتحاول هي واختها تتخطى الحياة دي من خلال مواقع التواصل الاجتماعي.. وتحديدا تيك توك.. بيواجهوا خلال الأحداث مواقف كتير وأزمات في سياق اجتماعي مشوق..
شخصية غريبة
وبجانب شخصية سلمى ابو ضيف وليلى زاهر.. الأبطال الرئيسيين للمسلسل.. بتظهر إلهام بشخصية هبة تاتو.. بتصرفاتها واسلوبها الفج وفيديوهاتها الخارجة عن المألوف.. اللى بتحاول بيها دايما تتصدر الترند.. علشان تعكس الضوء على نوع تاني من بنات التيك توك وهما الفئة الاكبر والاشهر على تيك توك..
وتفاعل الجمهور مع شخصية هبة تاتو في اللى شاف انها شخصية مينفعش تتقدم وفي الل شاف ان إلهام قدمتها حلو اوي ولازم يتم تسليط الضوء على الشخصيات دي لانهم فعلا موجودين بنشوفهم كل يوم..
امبراطورية ميم
لكن شطارة إلهام بتتجلى اكتر لما تعرف التوست اللي هي عاملاه ما بين شخصيتها في أعلى نسبة مشاهدة هبة تاتو.. وما بين دورها في مسلسل امبراطورية ميم.. علشان تروح من أقصى لأقصى.. وبتقدم جنب الفنان خالد النبوي دور بنتع الوسطانية مايا.. وتتعرض لمشاكل كتير ويحاول والدها يساعدها فيها.. فرق ثقافات وبيئة مختلفة فرق السما عن الارض بين هبة تاتو مايا.. لكن إلهام قدرت تقدم الاتنين في وقت واحد وانت مشاهد متحسش بعدم اتزان ولا اي احساس ان اللي بيعمل الشخصيتين واحد.
وإلهام صفي الدين هي بنت أخت الفنانة إلهام شاهين.. إيناس.. مواليد 2000.. نص لبنانية ونص مصرية.. بدأت طريقها الفني من بدري جدا.. لما شاركت مع خالتها كطفله في مسلسل نعم مازلت آنسة سنة 2010.. وكمان شاركت مع الفنانة منى زكي والفنان آسر ياسين في مسلسل آسيا..
أحسن ممثلة
انطلقت بعد كد في عالم الفن وشاركت في أكثر من عمل.. زي مسلسل ضد الكسر، و منورة بأهلها، ومين قال، ووسط البلد، وخارج السيطرة.. وكمان شاركت في فيلم صاحبتي.. اللي يفوز بجائزة في مهرجان القاهرة ومهرجان جربة في تونس.. اللى فازت فيه بجائزة أحسن ممثلة.. غير مشاركته في مهرجان فينيسيا..
واثارت إلهام الصغيرة الجدل بسبب قبلتها في فيلمها القصير صاحبتي.. وقالت في تصريحات تلفزيونية.. انها انجذبت للفيلم بسبب قصته.. وانه يناقش موضوعات مجتمعية مهمة زي العلاقة بين الراجل والست.. تحرش اب بصاحبة بنته..
لا تؤمن بالسينما النظيفة
وقالت انها زي خالتها لا تؤمن بالسينما النظيفة لأن التمثيل تمثيل.. ومفيش حاجة اسمها سينما نظيفة.. وعن الهجوم الل اتعرضتله بسبب قبلة الفيلم.. قالت.. كل ده مأثرش فيا.. أنا طول عمري مش شبه جيلي اوي دايما بقعد مع ناس كبيرة كان لازم اتولد في 1940..
وعن خطوبة والدتها لعمرو دياب. قالت انها عارفه بالموضوع.. لكنها تحمد ربنا ان والدها هو اللى اتجوزت والدتها مش عمرو دياب.لان ابوها شخص مفيش منه على وش الارض.. على حد وصفها.
