محمد صلاح آدم عن قلة مشاركته في الأعمال الفنية:” كل منتج ومخرج كلمته ومردش عليا هو الخسران” 

أعرب الفنان محمد صلاح آدم عن حزنه بسبب قلة مشاركته في الأعمال الفنية، وذلك عبر حسابه الشخصي على موقع التواصل الاجتماعي فيسبوك. 

منشور محمد صلاح آدم: 

وكتب:” طيب بالنسبة للناس الكتير اللي بتقابلني وتقولى انت فين يا فنان انت موهوب قوي وصادق وبنحبك ليه مش بنشوفك في التليفزيون بالسنين ويجيبوا اللوم عليا اني مش بسعى ومش بكلم المخرجين والمنتجين عوجان مني ..

وأضاف:” والله العظيم انا بسعى وبكلم المخرجين والمنتجين ومساعدي الاخراج و المنتجين الفنيين واكاسينج دايريكور ولغاية من يومين بروح اعمل اوديشين اللي هو تيست كاميرا و 90 % منهم مش بيردوا اصلا على الموبايل ولا حتى واتساب .

وتابع:” طيب اقولكوا حاجة اقسم بالله انا كنت حانتحر في وقت كان صعب جدا عليا نفسيا لولا وقوف بعض الاصدقاء جنبي ورجعوني للحياة تاني واولهم الدكتور أشرف ذكي .. انا ثقتي في ربنا كبيرة ومتأكد انه الميعاد المناسب اللي هو بيختاره .. وكل مخرج ومنتج ومؤلف وحتى منتج فني سعيت له وكلمته علشان اشتغل معاه ومردش عليا اقسم بالله هو 

اللي خسران .

آخر أعمال محمد صلاح آدم: 

ويذكر أن آخر أعمال محمد صلاح آدم هو فيلم “الإسكندراني”، بطولة النجم أحمد العوضي، فيلم “الإسكندرانى” من تأليف أسامة أنور عكاشة وإخراج خالد يوسف، ويشارك فى بطولته أحمد العوضى، زينة، حسين فهمى، بيومى فؤاد، صلاح عبد الله، عصام السقا، محمود حافظ، خالد سرحان، انتصار، محمد رضوان، محمود الليثى وعدد آخر من الفنانين، والفيلم إشراف عام على الإنتاج أحمد عفيفى، عبد الله أكرم تصوير سامح سليم ديكور أحمد عباس ملابس مونيا فتح الباب منتج فنى صبرى السماك مونتاج عمرو عاكف.