عملتها فاتن حمامة وخالد النبوي قرر احياء النسخة الاصلية.. بعد 52 سنة.. وحلا شيحا مفاجآة المسلسل.. و 5 فروقات واضحة بين الفيلم والمسلسل كشفها البرومو..
ايام ويبدأ المارثون الدرامي في رمضان 2024.. ويبدوا اننا على ميعاد مع موسم درامي قوي جدا.. ومن اكتر الاعمال المنتظرة مسلسل امبراطورية ميم.. للنجم خالد النبوي.. الل واضح انه هيعمل عظمة زي ما عودنا..
وبيعيد الفنان خالد النبوي احياء امبراطوية ميم بعد 52 سنة من عرضها على الشاشة في فيلم كانت بطلته سيدة الشاشة فاتن حمامة.. لكن المرادي.. هتتعمل النسخة الاصلية من رواية الكاتب الكبير احسان عبد القدوس.. الل قدمها قبل 59 سنة.. سنة 1965 وضمت 33 قصة قصيرة..
وبتدور أحداث إمبراطورية ميم.. حول الأب محمد مرسي الل خلف ست ولاد كل أسمائهم بتبدأ بحرف الميم.. وبيكون حلمه ان الإمبراطورية تكلم لحد ما كل مصر اسمها يبدأ بحرف الميم..
وبيدخل في مناقشات صادمة ابنه الكبير وبيبدأ يحس انه فجأة بقى قدام فكرة زعزعة هيبته واستقرار ادارته لبيته بمجؤد الاحتكام للانتخابات والصندوق.. ومع الضغط بيقبل الاب بالامر الواقع.. وبيخضع لافكار ولاده وبيتفاجأ في الاخر ان ولاده وزوجته ببختاروه.. حاكم للبيت..
والفروق التشابهات بين الفيلم الل قدمته فاتن حمامه وتم تحويل البطل فيه لست علشان يناسبها سنة 1972.. والمسلسل والقصة الاصلية للرواسة.. والل ظهر في البرومو ان اسم خالد النبوي هيكون مختار ابو المجد على عكس الرواية..
وكمان بيظهر لمختار عدد من الابناء الولاد والبنات بالظبط زس الفيلم الل قدمته سيدة الشاشة العربية.. الفيلم عالجه علشان ينفع للسينما الاديب نجيب محفوظ.. لكن المسلسل عالج الحوار والسيناريو فيه محمد سليمان عبد المالك..
المقارنة الل هتحصل هتحصل بين الفيلم والمسلسل يتحط صناعه قدام تحدي كبير جدا.. لان القصة قدمت فيلم ايقوني.. مهم في تاريخ السينما المصرية.. كتب السيناريو بتاعه نجيب محفوظ.. غير ان القصة لازم تتعالج بشكل معاصر لا يخل بعراقة القصة الاصلية.. والهدف منه يحسب تصريحات الكاتب محمد سليمان.. ان المسلسل يكون جسر بين الاجيال الجديدة الل مشافتش الفيلم..
لكنه شايف ان اعادة تقديم الاعمال الكلاسيكية مهم وضروري لانها تراث.. وده مش معناه الافلاس الفكري بالعكس.. ده امر إيجابي ومفيد لازم يحصل على نطاق واسع..
والمسلسل هيكون من بطولة خالد النبوي وابنه نور النبوي.. وهيشهد المسلسل عودة الفنانة حلا شيحا للشاشه بعد رجوعها من الاعتزال بعد حل مشكلة شطبها من النقابة..
ونشرت حلا مجموعة صور ليها من الكواليس.. وكانت واخده معاها بنتها الصغيرة عائشة.. وظهرت عائشة وهي قاعده على كاميرا في اللوكيشن وشايله الكلاكيت.. وعلقت عليها حلا وكتبت الـ camera woman ayousha.. والجمهور مترقب للظهور الاول لحلا شيحا بعد أزمتها الأخيرة.. واعتزالها الفن بعد زواجها من الداعية الاسلامي معز مسعود..
