“مش موجود على الخريطة”.. زوجة رامي صبري ترد على هجوم ويجز

ردت شيرين عادل زوجة النجم رامي صبري على الهجوم الكبير الذي قام به ويجز على رامي صبري بعد تصريحاته الأخيرة في أحد البرامج التليفزيونية.

منشور زوجة رامي صبري: 

ونشرت شيرين جزءًا من حديث رامي عبر حسابها على إنستجرام وعلقت وكتبت، “ده جزء من الحلقة اللى رامى اتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني.. أولاً رامي تسأل سؤال في برنامج ورد وعنده كل الصلاحية لأى رد أو إجابة على أي سؤال.

 يعني مفيش اي مانع يخلي رامي لما يتسأل سؤال ميجاوبش وثانيا رامي صبري ده يا حضرت فنان من أهم الفنانين فى الوطن العربى ومن أهم الأصوات ده لو حضرتك مش معانا في مجال المزيكا وبعدين والله يا ريت رامى عنده الوقت بتاع حضرتك الفاضى اوى بتاع ٥ شهور فاضى يا ريت كنا نتمنى”.

وتابعت، أما بقى موضوع رامي رقم كام ده هو الحقيقة مش شاغل بال رامى أوي بس لو حضرتك شايف إن رامي رقم ١٩ مع الأسف الشديد لازم أقول لحضرتك تبقى أنت مش موجود على الخريطة من الأساس.. أغنية واحدة من رامى صبرى واحدة بتعمل تاريخ لناس، محتاج تذاكر كويس وتعرف انت بتتكلم عن مين، قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام دة علشان الناس متضحكش عليك لأنك اتكلمت عن فنان بجد مش جاى يهزر، واخيراً لما تحب تعمل داعية لأغنيته الجديدة ابعد عن اسم رامى صبرى أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك.

بداية الخلاف بين رامي صبري وويجز :

ويذكر أن الخلاف بدأ بين رامي صبري و ويجز عام 2021 عندما تحدث رامي صبري في لقاء على راديو إنرجي، أنه لا يفهم كلمات أغاني مطربي الراب، قائلا: «وفيه بمصر راب لكن مفيش تراب لكن اللي بيعجبني ويجز ولكنه دائمًا مش بيقول حاجة، ومش بيقول كلام، ويجز بيعمل موسيقى ممكن أسمعها ومقلدها من بره، لكن مش بسمع مهرجانات».