رسالة مؤثرة من محمد كارتر عن زوجته شيماء سيف:”ومعندهاش اي مانع إنها تخلف غير إنها مراتي

فاجأ محمد كارتر زوج الفنانة شيماء سيف المتابعين عبر السوشيال ميديا برسالة مؤثرة لزوجته، عبر حسابه الرسمي على موقع التواصل الإجتماعي الفيسبوك. 

منشور محمد كارتر: 

وكتب :” من فترة طويلة وأنا بسمع الناس لما بتقابل شيماء بتقولها انتي لو خسيتي هتخلفي ودلوقتي لما شيماء خست الناس لما بتقابلها بتقولها أيوة كده خسيتي يعني هتخلفي وهي عمرها ما فكرت ترد وبتقول إن شاء الله.

وحتى الناس اللي انا اعرفهم بيقولولي كده ومحدش فيهم ولا لحظة فكر إنها سليمة ومفيهاش اي حاجة ومعندهاش اي مانع إنها تخلف غير إنها مراتي.

وأضاف:” ولو شيماء كانت اتجوزت اي حد غيري كان زمانها مخلفة عادي جدآ بس النصيب والقدر خلها تتجوزني انا ونكتشف بعد فترة إن عندي مشكلة في الإنجاب وهي علشان عارفة ربنا كويس قالتلي إن كل شيئ بميعاد واحنا لسه معادنا مجاش وهايجي إن شاء الله دعواتكم”. 

آخر أعمال شيماء سيف : 

ويذكر أن آخر أعمال شيماء سيف هى مسرحية ملك والشاطر الذي عرضت في موسم الرياض العام الماضي، وهي من بطولة أحمد عز، يسرا، شيماء سيف، سيد رجب، مصطفي غريب، وغيرهم.