تأجيل محاكمة الفنانة ميار الببلاوي والشيخ محمد أبو بكر بواقعة الســب و القـذف لـ نوفمبر القادم

قررت محكمة جنح الاقتصادية القاهرة اليوم تأجيل محاكمة الفنانة ميار الببلاوي والشيخ محمد أبو بكر في واقعة السب والقذف وذلك في نوفمبر القادم وتحديداً يوم الثاني من الشهر المقبل. 

تصريحات ميار الببلاوي: 

ويذكر أن ظهرت ميار خلال بث مباشر عبر صفحتها الرسمية على الفيسبوك وهى منهارة في البكاء، وقالت:” أنا سكت كتير لأن مؤمنة بحديث الرسول أميتوا الباطل بالسكوت عنه، الباطل لما بيتكلم نقدر نسكته لما مانتكلمش فيه، وأنا تعبت كل ما أعمل حاجة يقولوا عشان التريند .

وأضافت:” لقيت شيخ فاضل أنا بحبه في الله، قالى أنتى جيالى عشان حطيتك على المرجيحة وجيت عليكي جامد على الصفحة بتاعتى، وقال عني باخذ كل راجل ليلتين، أنا ابني مش بيكلمني من وقت ما الحلقة اتعرضت وكل الناس بتقطع فيا”. 

وتابعت:” هي كل الناس تتكلم عادي ولما أنا أجي اتكلم تقولوا عشان التريند، كل الناس عمالة تقطع فيا وفي عرضي وانا مش عايزة اقولكم على كمية المونتاج اللى استعملت للحلقة”.

واختتمت تصريحاتها:” “أنا اتجوزت على سنة الله ورسوله هو أنا لو ست وحشة هتجوز!، دي حاجة تخصني أنا، وبقول للشيخ حسبي الله ونعم الوكيل فيك ادفن نفسي يعني، احنا جوازتنا غير وأكتر من الناس التانية وعمري ما عملت حاجة عيب ولا غلط، اتجوزت و لا اتطلقت ملكوش دعوة بيا”.