![](https://onetakeeg.com/wp-content/uploads/2024/02/magida_el_roumi_430-orig1508924063.jpg)
فضحت اللبنانيين مش لبنان.. وقالت بنعيش ابشع كوابيس.. هجوم كبير على ماجدة الرومي بسبب لبنان..
هجوم كبير
هجوم كبير اتعرضت له الفنانة الكبير ماجده الرومي بعد حفلتها الاخيرة في ابو ظبي.. وخلال الحفلة قالت الرومي كلمه اقتطع جزء منها وتم تداوله على منصات السوشيال ميديا.. عبرت فيه الرومي عن سعادتها الشديدة بمدينة ابو ظبي.. وفي نفس الوقت نوهت عن الخراب والدمار الموجود في لبنان..
عايشين أبشع كوابيسنا
وقالت الرومي في الفيديو المتداول.. اشتقنا لأبو ظبي الحلوة اللي كل حاجه فيها بيضحكلنا وبيستقبلنا بالإعمار والخضار.. الله يديم هذه الأرض الطيبة بركة ونعمة..
وكملت وقالت جايين من لبنان مكان ما احنا عايشين أبشع كوابيسنا بسبب الإجرام المقترَف في حقنا.. من الل اسمهم منّا وفينا وهم مش كدا.. ومنقدرش نعمل حاجه غير اننا نقف قدام الانجازات الل احنا شايفينها هنا.. وازاي العظماء هنا بيعملوا الجنة على الارض..
مستنيينكم في الصيف
وردا على الهجوم الكبير الل اتعرضتله ردت ماجدة الرومي بفيديو من نفس الحفلة وهي بتكمل كلامها وكانت بتقول فيه.. منتظرينكم في الصيف.. بلدنا لسه حلوه ولسه جنه وهتبقى جنه ومهما عملوا فينا ومهما اجرموا الكلمه الاخير لربنا ولبنان عنده رب..
والتصريحات دي عملت جدل كبير على مواقع التواصل الاجتماعي.. مابين مهاجم ومدافع.. وقال البعض انها اخطأت لان كان ممكن تنتقد وده حقها لكن لازم نختار المكان المناسب لان مفيش مقارنه..
احلام تدافع عن ماجدة الرومي
ودافعت الفنانة الإماراتية أحلام.. عن ماجدة الرومي وقالت.. لكل الل هاجموها.. أنت تتحدث مع ماجدة الرومي ما بيصير تتكلم معاها بهالطريقه أبداً.. غير موفقه هذي كلمه ما بتنقال لماجدة الرومي وهي بتحكي عن وضع كلكم بتحكوا فيه لبنان والحقيقه هي تتكلم من ألم !!!!! الجمال هو لبنان الحب هو لبنان العظيمه صح وميه بالميه صح بس اليوم لبنان حزين جداً واهل لبنان يستحقون الأفضل..
وكملت احلام وقالت.. انها بتتكلم عن حال ووضع موجود فعلا وخي زعلانه على وطنها من بعد ما كان الوجهة السياحية الاولى دلوقتي بقت فين.. هي مقالتش حاجه غلط.. ومينفعش حد يتسلقط على ضهرها لانها من العظماء..
فضحت اللبنانيين
وكمان الاعلامي طوني خليفه علق على تصريحات ماجده الرومي.. وقال طوني بصفته لبناني.. ان كلام ماجدة الرومي مأساءش للبنان.. ولكن هي فضحت اللبنانيين.. واتعرضت لانتقاد كبير بسببها.. واكد طوني ان العالم كله عارف كل حاجه.. مش معقول انه في حد لسه مش عارف الل هما فيه.. كل حاجه مسروقه منهم وفي ناس لا بتاكل ولا بتودي ولادها مدرسة..
ودافعت عنها وقال الهجوم كان على ماجده نفسها ومش الكلام عن لبنان.. لانها اتكلمت عن ابو ظبي بشكل جيد.. وكمل وقال.. معكم إن ماجدة بهدلتنا بتصريحاتها عن لبنان.. ولكن هي بتحكي عن الناس الذين وصلونا لهذه المرحلة السيئة في لبنان..