بعد ما قالت استغنينا.. رجعت في فيلا التجمع الخامس.. ما بين النفي والتأكيد.. هل عادت شيرين عبد الوهاب لحسام حبيب مرة تانية..
حسام حبيب وشيرين
واضح كد إن قصة حسام حبيب وشيرين عبد الوهاب لسه فيها سطور تانية متكتبتش.. ورجع اسم الثنائي يتصدر التريند تاني.. بعد انفصالهم وعودة شيرين لجزء من شيرين الل بيحبها الجمهور..
لكن المفاجآة كانت في الاخبار الل انتشرت عن عودتهم لبعض.. ووفقا للصحفي خالد الصواف.. شيرين عبد الوهاب وحسام رجعوا لبعض من فترة بعد ما اتطلقوا مرتين قبل كد.. بما يعني ان الرجوع ده هيكون الأخير.. وبناء عليه بناتها اتنقلوا علشان يعيشوا مع ابوهم.. ومحاولات الصلح بينها وبين والدتها واخوها وقفت بعد ما كانت المياه قربت ترجع لمجريها..
محامي شيرين
وفي ظل تأكيد مصادر رجوع الثنائي.. انتشرت كمان تصريحات لشيرين بتأكد ان الانباء دي مش صحيحه وكذب.. وانها مرجعتش لحسام زي ما هو متداول.. وفي حالة حدوث رجوع هتخرج بنفسها وتعلن ده..
وده الل أكدوا المحامي حسام لطفي المستشار القانوني لـ شيرين.. والل نفي لـ et بالعربي.. كل الاخبار دي واكد انها عارية تماما من الصحة.. في حين ان لنفس المنصة اكدت مصادر ان شيرين فعلا رجعت لحسام لكن هما مكتمين على الموضوع.. علشان الجدل..
وخاصة انهما اعلنوا الانفصال في ديسمبر 2023.. واكدت شيرين خبر الانفصال من خلال الاعلامي عمرو اديب.. وقالت ان الطلاق حصل بمنتهي الود والاحترام بين الاتنين..
خطيب ميرهان حسين
والفكرة ان بعد انفصال شيرين وحسام طارد شيرين اشاعة بتقول انها ارتبطت بخطيب ميريهان حسين.. الل بقى ملازمها طول الوقت وبيسافر وبيخرج معاها.. وانها السبب في انفصاله عن ميريهان.. الل فضلت ملتزمة الصمت شهر تقريبا.. قبل ما تطلع تتكلم..
وقالت ميريهان انها كانت مخطوبة ليها اكتر من سنة.. وتم الانفصال لاسباب مش حابه تقولها.. قبل شهر واحد بس من فرحهم.. الحاجه الل دخلتها في صدمة كبيرة.. لكنها اتعاملت مع الموضوع في الاخر.. وبخصوص شيرين.. وهل هي على علاقة بيه ولا لا.. كانت حريصة ميريهان انها متقولش أي معلومة تخص شيرين.. لكن ظهر في كلامها انها مبقتش بتحترمها..
مسحت صورتهم
حتى الصورة الل كانت بتجمعهم من سنين على حسابها بإنستجرام مسحتها.. ولما اتسألت قالت دي صورة قديمة جدا من عيد ميلادها.. فيما معناه انها مش مهمة يعني..
وكانت شيرين ابدعت في حفل چوي اوردز والجمهور كان مبسوط بيها جدا.. وقالوا خلاص شيرين الل نعرفها راجعه.. ومعروف ان جمهور شيرين عبد الوهاب مش بيحب علاقة بحسام حبيب وبيحملوا نتيجة كل الازمات الل مرت بيها..
الجدل ده كله بيجي بعد 3 ايام بس من طرحها لاغنية جديدة بعنوان.. الدهب.. وده بعد غياب فترة سنة ونص.. واتعاونت فيها مع الشاعر تامر حسين والملحن مدين والموزع توما.. والاغنية خلال ساعات حققت ردود افعال قوية جدا وانتشار واسع..
