على خطى شيرين عبدالوهاب.. معاناة محمد الشرنوبي مع سارة الطباخ 

تصدر اسم الفنان الشاب محمد الشرنوبى تريند محركات البحث وخاصة على موقع جوجل، وذلك بعد أن قام بنشر مقطع فيديو عبر حسابه الشخصي على موقع تبادل الصور والفيديوهات إنستجرام. 

كلام محمد الشرنوبي : 

وتحدث خلاله عن معاناته مع شركة الإنتاج وخطيبته السابقة سارة الطباخ، وقال الشرنوبي:” بخصوص موضوع شيرين أنا مش فارق معايا حاجه غير أن سمعت صوت شيرين، وأن احنا جمهورك مستمتعين بالأغانى الجديدة، ويارب المشكلة بينك وبين روتانا تخلص في أسرع وقت عشان الأغانى تنزل بشكل طبيعي “. 

وأضاف:” أنا بقالى خمس سنين في مشاكل وقضايا مع سارة الطباخ أو الشركة اللى كنت ماضي معاها، وفي 24 مايو 2022 طلع حكم بانتهاء عقدي وطلعت الشركة قالت العقد لم ينتهي، وقعدنا شوية لحد ما طلع 3 أحكام تؤكد إن العقد انتهى وإني معنديش أي التزامات بأي شركة إنتاج، وبدأت أشتغل مع واحدة من أهم الشركات في الوطن العربي».

وتابع: «المشكلة اللي بتواجهنا إن الأغاني بتفضل موجودة على كل المنصات لأن موقفنا سليم، لكن في ثغرة في قانون يوتيوب مش عارفين نتعامل معاها، ثغرة معمولة علشان تحمي حقوق الناس، وهي حاجة اسمها سترايك لو حد عملها يوتيوب بيحذف الأغنية، ويدي مهلة 10 أيام لصاحب الـ «سترايك» يرفع قضية، ولو رفعها الأغنية يتم حذفها لحين حل القضية في المحاكم، وده ممكن ياخد من 8 إلى 10 شهور».

واختتم: «مش عارف آخرة اللي بيحصل ده إيه، أنا مكمل وهنزل أغنية يوم الأربع، ومش هسكت عن حقي، ومش هسيب حد يتعدى على حقوقي إني أغني وأسمعكم المزيكا اللي بعملها. أنا عامل تقريبا 30 أغنية، وشايل الحاجات الحلوة مش عايز أحرقها».