وزير الأوقاف يستقبل كريم الحسيني في مكتبة بعد منعه من الصلاة في المسجد 

استقبل الدكتور أسامة الأزهري وزير الأوقاف الفنان كريم الحسيني في مكتبه بعد أن ظهر في مقطع فيديو واعترض على منعه من الصلاة في المسجد، ونشر كريم مجموعة صورة بصحبة وزير الأوقاف. 

وكتب:” إنما الدينُ المُعامله شكراً معالي وزير الأوقاف فضيلة الشيخ الدكتور أسامه الأزهري على، إهدائك لى المصحف الشريف وعلى المحبه وحُسن الإستقبال وتوضيح سوء التفاهم وعلى حث كل خدام المساجد بحُسن المُعامله”. 

أزمة كريم الحسني: 

وفي سياق آخر استغاث الفنان كريم الحسيني بدار الإفتاء ورجال الدين، بعد منعه من دخول أحد المساجد في المقطم لأداء صلاة العصر، بسبب غلق المسجد بعد أداء الفريضة مباشرة.

وقال كريم الحسيني في فيديو عبر حسابه بموقع انستجرام: سؤال لدار الإفتاء ولشيوخ ولرجال الدين، لما أبقى ماشي على طريق وأركان وأكون عايز أصلي العصر والساعة دلوقتي مكملتش خمسة ونص، ولسه الناس خارجة من المسجد، وأنا قدام مسجد الشهيد أحمد حسن الجندي في المقطم، ولما أركن وأقول له عاوزة أدخل أصلي العصر، يقول لي معلش إحنا قفلنا الجامع.

وأضاف كريم الحسيني مستنكرًا: قلت له بتتكلم جد ولا بتهزر؟ قال لي بتكلم جد .. قلت له طيب أنا مش جايلك في صلاة المغرب أنا جاي لك في صلاة العصر، واللي عاوز يصلي يعمل إيه.. قال لي جملة في منتهى الكوميديا ، قال لي يصلي في بيته، قلت لو أنا مش في البيت وركنت وعاوز أصلى قال لى أنا عبد المأمور، قلت له العيب مش عليك العيب على اللي أصدر القرار.

وأردف كريم الحسيني: قلت له يعني أطلع المصلية وأصلي هنا في الساحة موافق طيب ؟ هل ممكن أدخل أتوضى؟ رفض.. قلت له طيب

أتيمم ولا أدخل اتوضى في كافيه؟.

واختتم: هل إحنا وصلنا للدرجة دي؟ لو عاوز أصلي العصر بعد نص ساعة من وقت الفرض نقفل الجوامع ؟ السؤال ده لكل البشر.. بنقفل الجوامع بعد الفريضة مباشرة ليه ؟ ده وقت العصر مفتوح لحد المغرب… هل ده يعقل؟.