سوسن بدر في صراع على الميراث بـ حدوتة منسية

عودة الماضي.. والصراع على الورث.. التسليم للتاروت.. سوسن بدر في ورطة مع أولادها.. بسبب الماضي في حدوتة منسية..

حدوتة منسية

نجاح كبير حققه مسلسل حدوتة منسية بطولة الفنانة سوسن بدر.. بعد طرحه على منصة واتش إت الرقمية.. وعلى شاشة قناة cbc..

حدوته منسية من المسلسلات الل لاقت رواج كبير عند الجمهور وبقى في المركز التالت ضمن قائمة المسلسلات الاكثر شهرة على واتش إت.. وده بعد ما احتل مسلسل حالة خاصة بطولة طه الدسوقي المركز الأول.. وحقق مسلسل وبينا ميعاد الجزء التاني.. بطولة شيرين رضا ومجموعة من الشباب..

حدوته منسية بياخدك في رحلة مع الصراع ما بين الماضي الل نسيته والحاضر الل كنت فاكر انك مسيطر عليه.. وبيتطرق لموضعات كتير متشابكة.. زي خروج خيرت من السجن الل بيقلب الموازين.. التطرق لعلم التاروت..

التاروت

وعلم التاروت بيندرج تحت علم الطاقة وبيتقسم لـ 78 ورقة فيهم ارقام ورموز وصور.. وبيرجع اصله لكهنة مصر القديمة.. وهو عبارة عن اداة للتحليل النفسي.. لسعور ورغبات النفس البشرية.. ومع غريزة الفضول زي ما بنشوف في المسلسل بيلجأ كتير لقراية الطالع والمستقبل.. والل بيتسحل في حته دي بيبقى صعب انه يرجع.. لان زي ما هو معروف كذب المنجمون ولو صدفوا..

وبعيدا عن عظمة سوسن بدر في المسلسل والل محدش يقدر يتكلم عن براعتها وشطارتها في التمثيل.. كمان الفنان أحمد فهيم عامل دور حلو جدا وكعادته متألق ومبدع في اي دور بياخده وبيقدمه على الشاشة.. كمان من الممثلين الل الجمهور حبهم جدا.. الفنانة عبير صبري عامله دور حلو جدا ودمها خفيف خاصة مشاهدها مع سوسن بدر..

30 حلقة

وحدوتة منسيه من المسلسلات الل بتنتمي لفئة المسلسلات الطويلة.. والل بتكون 30 حلقة.. وبتدور احداث المسلسل عن سعاد والل بتقدمها سوسن بدر.. بيتوفى جوزها.. وبيتافجئ الكل انه قرر يكتب كل ثروته ليها وحرم ولاده منها.. علشان تبقى هي المسؤولة عن كل حاجه.. وتبدأ المنافسة بين ولادهم على مين هياخد رضا امه اكتر علشان ياخد اكتر..

قبل ما بتتفاجئ سعاد بحدوتها المنسية الل جيالها من الماضي الأليم.. علشان تطاردها.. وبيظهرلها خيري.. الل دخل السجن بسبب قضية هي شريكة فيها.. وبدأ يساومها ويطالبها بجزء من الميراث نظير سنين عمره الل راحت في السجن.. وبتحاول سعاد انها تتعامل مع الموضوع وبتدور الاحداث وبنعرف بمرور الوقت ازاي سعاد وهتتصرف..
غير انه بيناقش موضوعات وقضايا اجتماعية كتير زي التضحيات الل بتقدمها الام لولادها والخيانة والمشاكل الزوجية والعائلية وغيرها..

المسلسل من تأليف محمود حمدان وإخراج محمد محيي الدين وبيشارك في بطولته عدد كبير من نجوم الفن.. على رأسهم سوسن بدر وعبير صبري واحمد فهيم.. محمود حجازي وهشام اسماعيل وطارق صبري وريم سامي وغيرهم..

سوسن بدر رمضان 2024

وخلال موسم رمضان 2024.. هتشارك سوسن بدر ببطولة الحكاية التانية من مسلسل أسود باهت والل هيكون اسمها دقيقة إلا ربع.. وبتدور احداثه في اطار تشويقي على مدار 5 حلقات..

غير انها هتشارك في بطولة امير العوامري لهاني سلامة.. والل بيقدم فيه شخصية رجل اعمال بيخوض صراعات كتير وبيستغل نفوذة علشان يحقق اهدافه..