أجهضت نفسها من أجل الفن.. بقت ام وهي سبعين سنة.. واتقبض عليها اكتر من مرة بسبب نشاطها السياسي.. احتفظت بصورة سليمان نجيب في غرفة نومها .. أسرار لم تنشر عن تحية كاريوكا..
الهروب للقاهرة
بدوية محمد على المداني كريم.. من مواليد مدينة الإسماعيلية.. سنة 1915.. الشهيرة تحية كاريوكا.. ايقونة الرقص الشرقي في مصر..
بدأت حياتها الفنية في ممارسة الرقص والغنا والتمثيل وهي في سن صغيرة.. هربت من تعذيب اخوها وراحت القاهرة.. وهناك اتعرفت على الراقصة.. سهاد محاسن.. وبعد كده راحت لبديعة مصابني.. بعد سفر سعاد للشام.. وانضمت لفرقتها.. في 1935.. وبعد كد اتجهت للسينما والمسرح بمساعدة سليمان باشا نجيب الل ساعدها على تنميتها ثقافيا وسياسيا..
بداية الشهرة
بدأت شهرة تحية كاريوكا الحقيقية في 1940 لما قدمت رقصه الكاريوكا العالمية في أحد عروض فرقة بديعة مصابنى وهي الرقصة.. اللي فضلت معاها بعد كده ملازمة اسمها.. شهرتها دي كانت السبب في طلاق أختها فاطمة من زوجها على الجداوي..
وعلى مدار عقدين من الزمن.. كانت تحية كاريوكا مسيرة حافلة جدا.. في عالم الرقص.. والسينما والمسرح.. اتجوزت خلالها 17 مرة.. أبرزها من الطيار حسين عاطف.. والممثل رشدي اباظة.. والمطرب محرم فؤاد والمخرج المسرحي فايز حلاوة..
زيادة الوزن
قبل ما يزيد وزنها.. وتبعد عنها الأضواء.. ويطفى نجمها.. وفجأه تلاقي تحية نفسها من غير فلوس.. وبضطر تسكن في شقة فوق السطوح.. في حارة بسيطة جدا.. في نفس الوقت كانت بتعاني من مياه بيضاء في عنيها.. ويتكفل بعلاجها الأمير السعودي فيصل بن فهد.. في سنة 1974.. كانت بتقيم في قصر الأمير عبد المحسن بن عبد العزيز.. خلال تواجدها في مكة المكرمة..
وفي تصريحات قديمة لها كانت قالت..ان الفنان العظيم سليمان نجيب هو الرجل الوحيد الل احتفظت بصورته في اوضتها جنب صورة امها.. لان هو اللي جابلها اول سيناريو واول بطولة مطلقة وهو فيلم لعبة الست.. وشجعها على الشغل مع الاستاذ الكبير نجيب الريحاني.. الل اعتبرته اهم وافضل الفنانين اللي قابلتهم في حياتها..
رشدي اباظة
اما بقى رشدي اباظة.. ف بالنسبالها الانسان الوحيد اللي حبته فعلا.. وهو الانسان اللي عاشت معاه اجمل سنين عمرها.. بالرغم من أن مدة جوازهم كانت 3 سنين بس.. وده بسبب حماتها الل مكنتش بتحبها.. وبتقول ان اخلاقه كانت فوق الممتازة وكان راجل بمعني الكلمة.. بعد الانفصال حافظت على علاقتها بيه فيها حب وود واحترام.. لحد آخر يوم..
وبتحكي عن جوازها من المخرج فطين عبد الوهاب وبتقول.. اتجوزته وهو مساعد مخرج واتفقنا اني مخلفش.. لحد ما يثبت نجاحه ومستقبله كمخرج.. لكن ربنا شاء اني احمل.. وقالي يا انا يا الطفل.. فطلبت الطلاق.. وفقدت الجنين.. ولولا كد كان بقى عندها شاب اكبر من ابنه زكي من ليلى مراد..
الاعتزال
في الخمسينات اعتزلت كاريوكا الرقص.. وتفرغت للسينما بشكل كامل.. وشاركت في عدد ضخم من الأعمال المهمة واللي كان لها بصمة مختلفة.. منها.. شباب امرأة، حماتى قنبلة ذرية، ام العروسة، منديل الحلو ، خلي بالك من زوزو ، وداعاً بونابارت ، الصبر في الملاحات ، و إسكندرية كمان وكمان.. غير انها قدمت دورها الحقيقي في حركة اعتصام اعضاء اتحاد النقابات الفنية مرسيدس..
دور سياسي
كاريوكا مكانتش مجرد راقصة.. بالعكس كان ليها دور سياسي مهم جدا.. واتقبض عليها اكتر من مرة بسبب نشاطها السياسي السري.. لانها كانت بتساعد الرئيس أنور السادات في هروبه من الإنجليز.. وحجزه في المعتقل.. واتقبض عليها مرة وهي متزوجة من ظابط من الضباط الاحرار.. وتم اتهماها بمساعدته في قلب نظام الحكم.. وتوزيع منشورات..
وتأثراً بشخصيتها والكاريزما الل كانت عندها كتب اكتر من كاتب مثقف عربي عدد من الدراسات عنها.. واهمها كانت الدراسة الل كتبها الكاتب الفلسطيني الراحل ادوارد سعيد..
وتوفيت كاريوكا.. في 19 سبتمبر 1999.. عن عمر ناهز الـ 84 سنة متأثرة باصابتها بجلطة رئوية حادة.. بعد رجوعها من رحلة عمره.. وكانت تحية اتبنت بنت صغيرة لما كانت في السبعين من عمرهت.. وكانت دايما بتهزر مع اصحابها وتقولهم انا خلفت وانا سبعين سنة.. ووصت واحده من اصدقائها المقربات قبل وفاتها.. انها تتولى رعايتها بعد وفاتها..
