تفاصيل زواج بشرى من خالد محمود حميدة في مدينة العلمين

قصة حب عمرها سنة.. العريس ابن زوجة محمود حميدة.. صداقة تطورت لحب.. الفرح هيكون في العلمين.. تفاصيل الجوازة التالتة للفنانة بشرى من صديقها الجديد.. 

 قصة حب

بعد قصة حب بينهم لمدة سنة.. بشرى هتدخل القفص الذهبي من جديد.. وعريسها هو رجل أعمال اسمه خالد وهو ابن زوجة الفنان الكبير محمود حميدة.. والفرح هيتعمل في الساحل الشمالي تحديدا في مدينة العلمين الجديدة.. بحضور الأهل والأصحاب المقربين فقط.. 

والاتنين قصتهم بدأ من سنة وكانت العلاقة سطحية جدا بينهم تحولت لصداقة قوية وحب بعد كد.. لما اتقابلوا في مشروع أرشفة الأعمال الفنية بالذكاء الاصطناعي.. 

خلال المشروع ده زادت علاقتهم ببعض جدا.. ووقعت بشرى في غرام خالد.. وسبق وقالت انها تعيش قصة حب جديدة بعد طلاقها من زوجها الثاني قبل سنة من دلوقتي.. من غير ما تكشف هوية العريس المستقبلي.. وقال مقربين من بشرى.. انها مبسوطه جدا في علاقتها بخالد.. اللي بالرغم من أن مفيش حد توقعها.. لكن كان في مناسبات كتير وصور كتير جمعتهم ببعض.. أبرزها كان المؤتمر الصحفي لـ رقمنة الأرشيف الفني بالذكاء الاصطناعي.. في وجود نخبة من الفنانين.. 

اهتمامات واحدة

خالد هو صاحب فكرة مشروع رقمنة الأعمال الفنية من الأساس.. وبشرى اشتركت معاه.. وبقت أقرب اصدقائه في الوسط الفني قبل ما يرتبطوا.. غير أنه رجل أعمال وعنده البيزنس الخاص بيه.. و مهتم بصناعة الأفلام القصيرة والمهرجانات السينمائية.. ودي اللي الاهتمامات التي يتشارك فيها مع بشري بشكل كبير.. وظهر معها في أكثر من مهرجان واخرها كان مهرجان عمان السينمائي.. 

البعض قال ان خالد ابن الفنان محمود حميدة.. لكن الحقيقة إن خالد بن مها الزوجة الثانية للفنان محمد حميدة.. وخالد أخذ لقب محمود حميدة.. لمكانة حميدة في قلبه.. وأن هو اللي رباه ويعتبره فعلا أبوة مش بس زوج والدته.. 

وأكد بشرى تبقى بتستعد لحياتها الجديدة في زيجتها الثالثة.. بعد سنة من انفصالها عن زوجها الثاني سالم هيكل.. صديقها المقرب وصديق طفولتها ومراهقتها.. 

زيجات بشرى

وكانت بشرى اتجوزت قبل كده مرتين.. المرة الأولى كانت من رجل الأعمال السوري عمرو رسلان في 2010.. وخلفت منه طفلين.. وبعد خمس سنين أعلنوا انفصالهم.. بعد خمس سنين تانية من الانفصال أعلنت بشرى زواجها الثاني من صديق عمرها وطفولتها سالم هيكل.. واستمر زواجهم 3 سنين.. في قصة حب كان شاهد عليها الجمهور.. وكان واضح ان سالم بيحبها من زمان وكان محترم حياتها وصداقتهم وساكت.

وبالرغم من كل ده انفصلوا.. وصداقتهم كملت.. قبل ما تعلن بشرى بعد سنة من طلاقها انها بصدد الزواج مرة تالتة.. من صديقها المقرب خالد محمود حميدة.. 

وقبل احتفالها بزفافها.. طرحت بشرى أغنيتها الجديدة واللي اسمها بيني وبينك كلمة.. من كلمات محمد ابراهيم ورؤية فنية لسيف عريبي وتوزيع وميكس ماستر الحان عبدالله هميم..

وكان أخر أعمالها فيلم أولاد حريم كريم مع النجم مصطفى قمر والفنانة داليا البحيري وبسمة وعلا غانم وخالد سرحان.. ابطال الجزء الأول من الفيلم.. مع دخول عناصر جديدة زي تيام قمر ورنا رئيس وهنا داوود.. والفيلم تدور قصته تكلمه للفيلم القديم.. واللي بيتكلم عن كريم اللي بتموت زوجته واللي كانت بتقدمها في الجزء الاول ياسمين عبد العزيز.. بس بسبب رفضها المشاركة في الفيلم قرروا يموتوا شخصيتها.. وبتدور احداثه عن كريم اللي بقى أرمل يعيش مع ابنته الوحيدة.

اللي حبت شاب هو شايف انه مش مناسب.. ويقرر التدخل علشان يلاقي لها عريس لقطة.. عشان يشتت انتباه ومشاعرها في نفس الوقت.. وقرار تدخله في حياة بنته شجعته عليه أرملة قررت تلاقي زوج لبنتها الل عنده 21 سنة على النت..