![](https://onetakeeg.com/wp-content/uploads/2024/07/IMG-20240720-WA0125.jpg)
نايمة على الشط وسط الأمواج.. الجمهور هاجمها والصورة مش لطيفة.. اتنشرت من حساب موثق.. وطلع وهمي ومش بتاعها.. قصة الصورة التي عرضت نرمين الفقي للهجوم..
صورة ع الشط
أثارت صورة للفنانة نرمين الفقي جدل كبير جدا على منصات السوشيال ميديا بعد ما تم تداولها على نطاق واسع خاصة موقع إكس.. والل ظهرت فيها نرمين وهي نايمه على الشط وسط الأمواج.. بشكل اعتبره البعض غير لائق بيها..
واللى زاد الجدل أن الصورة من حساب موثق اسم نرمين الفقي.. وده اللي خلى كل الل يشوفها يعتقد يقينا انها نرمين الفقي وناشره الصورة بنفسها.. وما دام العلامة الزرقاء موجودة.. يبقى حتما ولا بد ده حساب الفنان نفسه.. لان الحسابات الوهمية لا تنال شرف العلامة الزرقا..
العلامة الزرقاء
بس الكلام ده كان زمان قبل ما تتباع العلامة الزرقا بـ 300 جنية لأي حد عاوزها.. ف دلوقتي اي حد يعمل اي حساب ويحط علامة زرقاء عادي.. وفي ناس كتير عاملة دلوقتي حسابات الفنانين وموثق بالعلامة الزرقاء.. بس علشان بردو تكون عارف ان شرط التوثيق باسم اي حد مشهور لازم تكتب في البايو.. ان ده حساب معجب او حساب ساخر.. بس طبعا مش كل الناس بتدخل تتأكد بيعتمدوا على العلامة الزرقا بس ف بيبقى بالنسبالهم الحساب ده موثق يبقى ده الشخص المشهور..
نرمين الفقي قصاد الهجوم الكبير الل اتعرضتله.. مقدرتش تسكت.. ونفت صلتها تماما بالحساب ده.. واتفاجأت اصلا ان ممكن يكون في حساب باسمها وموثق كمان.. وهي متعرفش عنه حاجه..
مانيكير في الحرم
وكتبت الفقي في منشور على حسابها بموقع فيسبوك.. الحقيقة من الجرأة والفجر إن حد يوثق صفحة على تويتر الذى يعتبر من أكبر وأهم المنصات.. ويتكلم على لسانى. إزاى وصلنا لهذه المرحلة.. بالإضافة إلى إنى أصلا معنديش حساب على تويتر.. يا ترى ما هى العقوبة القانونية لهؤلاء المرضى؟..
بس دي مش الصورة الوحيدة مؤخرا الل تثير فيها نرمين الفقي الجدا.. ف من ايام اثارت جدل كبير بصورة ليها من مناسك العمرة.. بعد ما ظهرت قدام الكعبة المشرفة وهي لابسه عبايه سوده وحاطه مانيكير في ايديها.. وهنا كانت الازمة..
وهاجمها البعض بسبب الحركة دي.. الل بتأكد على بعض الجهل عندها.. لان مينفعش تروح الحرم او تصلي بشكل عام وهي حاطة مانيكير في ايديها.. ولازم تزيله قبل الوضوء اصلا.. لانه بيمنع وصول المياه للاظافر وبالتالي يبطل الوضوء.. والبعض رجح أنه ثابت من نوع الجل او الاكليرك.. وده مينفعش يتشال غير من خلال متخصصين..
حادثة وتعبان
و تعرضت مؤخرا نرمين الفقي لعدد من المواقف الصعبة.. آخرها موقف مرعب جدا في بيتها بعد ما اكتشفت وجود ثعبان في جنينة البيت.. واستعانت بأحد العمال في شركات ابادة القوارض والزواحف.. علشان تقدر تتخلص من التعبان.. وده بعد نجاتها من حادث سير قبلها بأيام..
ونشرت نرمين مقطع فيديو للعامل وهو بيحاول يمسك الثعبان الموجود في جنينة بيتها.. وعلقت على الفيديو وقالت.. لا حول ولا قوة إلا بالله.. يوم الخميس قبل العيد مسافرة.. ربنا نجّاني.. والحمد لله يا رب عدّت على خير.. من حادثة مرعبة.. والنهارده تعبان في بيتي.. يا رب سترك يا رب..
وشاركت نرمين الفقي مؤخرا في مسلسل محارب مع الفنان حسن الرداد.. والل جسد خلاله شخصية شاب اسمه عزيز محارب.. وبتدور أحداثه عن شخصية محارب اللي بيعملها الرداد.. وهي شخصية سائق ميكروباص يمر في حياته بأزمات كتير..