زهقت والموضوع اتقفل.. تفاصيل انفصال مسلم عن خطيبته للمرة الثانية

فسخ خطوبته للمرة الثانية.. وقال انه خسر حاجات كتير.. ويقفل الموضوع ده للابد.. طلع متجوز بدل المرة اتنين وعنده ابن مش راضي يعترف بيه.. تفاصيل انفصال مسلم و علاقته بطليقته الاولى.. 

أعلن مطرب المهرجانات مسلم.. فسخ خطوبته للمرة الثانية.. خلال فترة قصيرة جدا.. وقال انه خسر حاجات كتير جدا.. 

وكتب مسلم على حسابه بموقع انستجرام..  محتاج أقول حاجة يمكن مش حتكون مهمة قوي للناس دلوقتي لأني حاسس أن الناس زهقت من الموضوع ده.. بس حبيت اوضح عشان رضيت ضميرى قدام ربنا.. تم فسخ خطوبتي من يارا تامر وأتمنى لى حياة جميلة ونجاح واستمرار.. لأن حاولنا كتير وأنا خسرت كتير قوي من حياتي ووقتي قصاد التجربة دي وفشلت . 

وقال انه بيحمد ربنا على كل حاجه.. بتخليه في حالة وبعيد.. واعتذر لنفسه للمرة الثانية لانه اتعلم الدرس بجد.. والموضوع بالنسبة له اتقفل نهائي..

انفصاله عن ميكا

وكان احتفل مسلم بخطوبته بعد انفصاله عن ميكا البغدادي بشهرين ع طول.. وقال.. الحمد لله على كل شيء، .. الحمد لله تم الطلاق رسمي بيني وبين ميكا البغدادي.. للأسف مكنتش أحب تكون دي النهاية.. ويعلم ربنا أني راعيت الله فيها وتمسكت ببيتي أكثر من مرة.. 

وكانت ميكا قالت انه بيحاول على طول يرجعلها علشان.. بس هي بترفض.. واعترف ب ده مسلم.. وقال علشان خاطر ابنه.. ونفر تماما الكلام اللي بيقول انه خانها.. وانها قالت كد غيره عليه.. وأن أي واحدة مكانها هتعمل كده.. 

لازم تطلع الل قدامها وخش علشان بس كل الناس تتعاطف معاه.. وكمل وقال.. المشكلة إنها اهتمت بموضوع تبقى تريند.. ما اهتمتش أنها تظلم حد وهي ظلمتني في ده بس.. وانا مظلمتهاش.. 

ظلمنا بعض

وكمل وقال.. إحنا ظلمنا بعضنا لما أخدنا بعض من غير ما يكون على اقتناع واتجوزنا جواز صالونات.. وبقيت أعيش حياتي طبيعي بنزل وبروح وأشوف صحابي وأخرج مع ده ودي.. 

وقال إنها كانت مهتمة بشغلها اكتر منه.. وكان فاتحلها اتيلية مع صحبته ويمكن ده سبب المشاكل اللي كانت بينهم.. لأنها ودنية جدًا.. على حد تعبيره.. 

وقال إن صبحته دي كانت بتسخنها عليه وتقولها خليه يعمل كذا وكذا.. وقال انه قبل ما يخطب حاول يرد على ميكا علشان خاطر ابنه.. لكن صحبته دي كانت بتقولها حاجات غريبة زي مينفعش يرجع غير لما يكتب باسمك حاجه.. 

كفاية بجد

ووقت الطلاق كان قال مسلم.. للأسف مكنتش احب تكون دي النهاية.. ويعلم ربنا أني راعيت الله فيها وتمسكت ببيتي أكثر من مرة.. ولكن الحمد لله على كل شيء.. 

ومسلم وميكا اتجوزوا في يناير 2022.. وخلف منها ابنهم سلامة.. نهاية شهر نوفمبر من نفس السنة.. وبعد الطلاق بفترة ومع الكلام الكتير.. طلعت ميكا وقالت.. 

ممكن كفايه بجد.. كفاية كلام يضايق كفاية تدخل بطريقة تعصب.. وكفاية شائعات وحاجات مش صح أصلا نهائي.. أنا ولا حد اتجوز عليا ولا سبنا بعض بسبب عيد ميلاد كفاية تخاريف.. أنا وهو محصلش نصيب لأسباب تخصنا وربنا يكرم كل واحد فينا.. 

 طليقته الأولى

وبعيدا ع خطيبته وطليقته.. فجرت بنت اسمها ضحى مفاجأة كبيرة.. بأنها كانت طليقة مسلم الاولى.. واتجوزها قبل الشهرة.. وطلقها بعدها بخمس شهور.. وكانت وقتها حامل.. وسابها هي وابنها ومبقاش بيسأل عليه ولا مهتم بيه.. 

ولما بدأت تطالب بحقوقه بقى بيهددها.. ويشتمها افظع الألفاظ.. وقالت.. أهلي بعد طلاقي كانوا مش عايزين مشاكل.. وأكدوا لي على أنهم يكفلوا بأبني.. حتى أنه هددني لما اتصلت بيه لتسجيل أبني..