بفستان أصفر على البحر.. ليلى علوي تخطف الأنظار برقصها على اغنية جامدين

بفستان أصفر على البحر.. بتروج لجوازة توكسيك.. على انغام اغنية جامدين.. وتثبت ان الجمال مالوش سن.. وانها كل ما تكبر تحلى.. ليلى علوي تتصدر التريند بأحدث فيديو لها على البحر

 جامدين

بفيديو لطيف تصدرت الفنانة الجميلة ليلى علوي التريند بعد نشرها فيديو وهي بترقص على اغنية جامدين للفنان تامر حسني.. 

وظهرت ليلى علوي وهي بترقص وبتستعرض رشاقتها.. خلال اجازتها الصيفية.. وكانت لابسه فستان اصفر.. وعلقت عليه عاملين إيه في الإجازة الأسبوعية.. شوفتوا فيلم جوازة توكسيك؟.

وانهالت تعليقات الجمهور على الفيديو اللي نشرته ليلى علوي.. ومنها كان.. لذيذة وطعمة طول عمرك يا ليلى وحتفضلي طول عمرك زي القمر والعسل الأبيض اللي زي قلبك وأخلاقك.. اللي أثبتت أن الجمال مالوش علاقة بالعمر… أحلى واحدة في الدنيا،..القمر كله.. 

وعلق تامر حسني على الفيديو.. وقال.. لما أجمد وحدة ترقص على جامدين.. وتجيب سقف الجمدان.. النتيجة تبقى سقف الجمدان.. القمر ليلى علوي..

 تامر حسني

والاغنية دي طرحها تامر حسني بداية شهر يوليو.. من كلمات محمود سليم والحان تيام علي وقربت في ايامها الاولى على حوالي 3 مليون مشاهده على قناة تامر حسني على يوتيوب.. وبعد صدورها بايام شارك تامر حسني المقطع لبنتين من ذوي الاحتياجات الخاصة.. وهما بيرقصوا على الاغنية.. وعلق وقال.. حبايب قلبي أنتوا المصدر الحقيقي للطاقة الإيجابية الجميلة.. وكلمة (الحمدلله، وللصبر، وللتقبل، والقوة أنا طاير بيكم من كل قلبي.. 

ودي مش أول مرة تظهر الفنانة ليلى علوي وهي بترقص على اغنية لتامر حسني.. فسبق قبل كد وشاركت النجمة ليلى علوي جمهورها بفيديو لها وهي بترقص على شاطئ البحر على انغام اغنية هرمون السعادة لتامر حسني.. ودايما في اي فرح بيجمعهم لازم تامر حسني يديها جزء كبير من اهتمامه.. ودايما هي تبدي سعادتها بوجودها وتنبسط بأغانيه حافظهم كلهم..  

 أعمال ليلى علوي

ويعرض حاليا لـ ليلى علوي.. فيلم جوازة توكسيك.. في السينمات.. ويشاركها البطولة الفنان بيومي فؤاد.. وهيدي كرم والراقصة جوهرة.. ونورين ابو سعدة.. من تأليف لؤي السيد واخراج محمود كريم.. وبتدور أحداثه.. في إطار كوميدي.. عن قصة حب فريدة وكريم.. اللي بتبدأ بسوء تفاهم في دبي.. وبتمر بعدها برحلة من الصراعات بعد رجوعها لمصر.. بسبب تدخل الأهل في مصيرهم.. لأن كل واحد فيهم بينتمي لخلفية اجتماعية مختلفة تماما عن التاني.. وده اللي خلق مفارقات كتير كوميدية..  

ومن ناحية ثانية كان آخر أعمال الفنانة ليلى علوي فيلم شوجر دادي من تأليف لؤي السيد وإخراج محمود كريم وشاركها البطولة حمدي الميرغني، بيومي فؤاد، مي الغيطي، فرح الزاهد، محمد محمود، ومصطفى غريب.. وهو تقريبا نفس الكاست اللي بيعمل معاها فيلم جوازة توكسيك.. وشوجر مامي ظهر فيه كضيوف شرف الفنان هشام عباس.. اللي قدم اغنية عن الأحداث… مروان يونس وسارة درزاوي.. 

وبتدور أحداث فيلم شوجر دادي في إطار كوميدي عن راجل بيمر بأزمة منتصف العمر..وبتقوده مراهقته المتأخرة لإقامة علاقة سرية مع راقصة.

 واللي هي جوهرة.. علشان تتقلب حياته بعد كد رأسا على عقب هو وأسرته.. وبعتبر الفيلم ده التجربة الأولى للراقصة جوهرة في التمثيل.. واللى تظهر فيه بشكل مختلف عن دور الراقصة التقليدية.. وكمان شهد عودة الفنان تامر هجرس لشاشة السينما بعد غياب 5 سنين..