قبل محمد رمضان.. 6 فنانين ضربوا معجبيهم لأسباب مختلفة

قلام على الوش وضرب بالكوع وميكروفون بيتحدف.. شد من الجاكت.. معجب قال لنمبر وان يا حمضان.. ومعجبة رمت مغنية بالكأس.. قبل خناقة محمد رمضان ومعجب الساحل.. فنانين ضربوا المعجبين.. 

المعجبين 

كل يوم والتاني بنلاقي فنان ماسك معجب ليه وهاتك يا ضرب.. في رد فعل غريب واحيانا عفوي منه على تصرفات الجمهور الغير مبررة أحيانا.. وفي كل مرة تنتشر واقعة زي دي بتكون في ردود أفعال غاضبة جدا من الجمهور وجدل كبير جدا ما بين فريق الدفاع عن المعجبين وفريق الدفاع عن الفنانين.. 

والساحة الفنية مؤخرا شهدت أكثر من واقعة لفنان تعدى على معحب حاول انه يتصور معاه او رخم عليه بطريقة او بأخرى في وقت مش مناسب.. وآخرها كانت واقعة الفنان محمد رمضان.. مع أحد المعجبين فى الساحل..

 محمد حمضان 

وكان رواد مواقع التواصل الاجتماعي.. تداولوا فيديو للواقعة ظهر فيه رمضان وهو بيتبادل الضرب مع معجب.. حاول يتصور معاه.. وبحسب الفيديو المنشور محمد رمضان كان موجود في احد الاماكن بالساحل الشمالي.. 

وظهر وهو بيتشاجر مع شاب واضح من المشهد انه كان بيصور فيديو لمحمد رمضان.. وبحسب نقيب الممثلين.. الدكتور أشرف زكي.. الشاب قاله وهو بيتصور معاه.. الفنان محمد حمضان.. فاتعصب  رمضان.. وقعد يقوله.. طلع الموبايل.. والولد قاله اهدى هديك الموبايل.. 

بس محمد رمضان مستناش وضرب الولد بالقلم.. الل مستناش وفي رد فعل سريع منه رد القلم لنمبر وان.. قبل ما يحاول المتواجدين انهم يهدوا الامور بينهم.. 

ودي مكانتش اول مرة يعمل فيها رمضان كد.. ف سبق وضرب واحد من المعجبين في موقع تصوير فيلم شد اجزاء.. الل كان في منطقة نزلة السمان.. وطلب منه وقتها بعض المعجبين صورة تذكارية.. ووقتها حصلت مناوشات زي كده ومحمد رمضان اداله علقة بالمعني الحرفي.. 

احمد عبد العزيز

وفي عزاء الفنانة شيرين سيف النصر.. كاد الفنان احمد عبد العزيز انه يضرب معجب من ذوي الهمم.. لولا انه تماسك وزعق فيه وقاله اوعى ايدك يالا.. بعد ما حاول يمسكه من كتفه ويتصور معاه.. وده نفسه الل عمله الهضبة في احد الافراح لما حاول شخص يتصور معاه وشده من الجاكته ف لف وشه وضربه قلم على وشه.. في واقعة قومت الدنيا كلها عليه.. 

خالد النبوي

وكمان الفنان خالد النبوي فقد أعصابه على أحد المعجبين في مقطع فيديو منتشر على تيك توك خلال العرض الخاص بفيلم اهل الكهف.. وظهر وهو منفعل جدا.. بسبب ان التاني بيحاول يمسك دراعه علشان يتصور معاه.. وقاله النبوي.. إنتوا حصل لكم إيه.. ليه لازم كده مع الناس.. مكانتش كدة قبل كدة.. 

عمر الشريف 

وفي 2011 كان في واقعة شهيرة جدا.. للراحل الكبير عمر الشريف.. في مهرجان تريبيكا السينمائي بالدوحة.. رد فعل فيها كان غريب جدا.. وغير مبرر.. بعد ما ضرب المذيعة عائشة الدوري بالقلم على وشها.. وقالت وقتها المتحدثة الرسمية باسمها ان اللى حصل كان بسبب الاستفزاز اللي اتعرض له وتعرضله في المهرجانات.. وكان بيتعامل معاها على انها معجبة عادي..

 حسن حسني

بكوعه ضرب الفنان الراحل حسني حسني أحد الحضور في عزاء الفنان أحمد راتب.. بعد ما حاول انه يمسك دراعه ويتمشى جنبه.. بطريقة استفزت حسن حسني في اتصرف معاه بالطريقة دي.. 

والكلام ده مش في مصر بس.. لا ده موجود في كل العالم ف السنة الل فاتت مغنية الراب الامريكية كاردي بي.. اعتدى معجب عليها بالسب خلال الحفلة.. وهي على المسرح وبشكل مفاجئ.. رمى عليها المعجب كاس في مشروب.. برد فعل سريع وبكل قوتها ضربت المعجب بالمايك اللي في ايديها وشتمته..