![](https://onetakeeg.com/wp-content/uploads/2024/07/IMG-20240711-WA0151.jpg)
سقط ثانوية عامة واترقي لظابط في الجيش بقرار من الرئيس السادات.. استلهم من امه لقبه الفني.. اول أجره ليه كان 17 جنية.. وهو اللى اخترع شخصيته في يوميات ونيس.. محطات من حياة الفنان عبد الله مشرف..
اعتزال عبد الله مشرف
اتصدر اسم الفنان عبد الله مشرف خلال الساعات اللي فاتت التريند.. بعد اعلان اعتزاله التمثيل نهائي في عمر 82 سنة.. ويعتبر الفنان عبد الله مشرف من الفنانين.. الل ليهم قبول كبير عند الجمهور ورغم انه ماخدش بطولات مطلقه الا ان اغلب اعماله محفورة في أذهان المشاهد..
عبد الله محمد عبدالله.. وشهرته عبد الله مشرف.. اتولد في 15 فبراير 1942.. حصل على بكالوريوس من المعهد العالي للفنون المسرحية سنة 1974.. كان بيشوف ان المسرح هو المدرسة الحقيقية.. للفنان.. علشان كده اشتغل في مسرح محمد صبحي.. وشارك في عدد من المسرحيات.. منها.. الهمجي ووجهة نظر وتخاريف ولعبة الست..
أبرز أعماله
اتعين في مسرح الطليعة وقدم عدد من المشاهد الصغيرة في بعض المسرحيات منها عفاريت من ورق والناس الطيبة.. وليالي شهرزاد..
وبعد فترة من العمل المسرحي اشتغل في التلفزيون وقدم عدد من المسلسلات منها رجل خطير جدا.. وعلى هامش السيرة.. وبعد كده بدأت شهرته تتصاعد من خلال أهم أدوار حياته.. في مسلسل يوميات ونيس.. ومسلسلات تانية زي زيزينيا وابو ضحكة جنان واولاد الشوارع وفارس بلا جواد وغيرها..
واقتحم مشرف العمل السينمائي من خلال أدواره في أعمال زي.. التخشيبة أول أفلامه.. وجري الوحوش.. وكتيبة الإعدام والهروب والبيضة والحجر..
ثانوية عامة
في حياته كان في محطات كتير.. ف مثلا سقط في الثانوية العامة 3 مرات وقال انه كان بيسقط ومش بيذاكر لأنه كان يحب التمثيل.. وكان علمي علوم في مكانش بيعدي..
قضى خدمته العسكرية و اترقى لرتبة ظابط بقرار من الرئيس السادات.. الل قرر يرقى كل المؤهلات العليا.. وكانت بداياته المهنية متواضعة جدا.. لان راتبه كمجند كان 17 جنيه من المسرح بالاضافة لـ 3 جنيه من الجيش.. وبعد الترقية مرتبة بقى 17 من المسرح و 25 جنيه من الجيش..
كان رافض فرصة نقله للقاهرة بعد ماكانت خدمته في خزان اسوان.. لانه فضل انه يكمل في الدفاع الإقليمي عن اسوان.. بس بعد ما خلص الخدمة انضم لهيئة المسرح واشتغل في الطليعة وبدأ انطلاقته الفنية.. وجنب التمثيل اشتغل عبد الله مشرف مع اخوه في بقالة.. الصبح ويمثل بليل..
أول مرتب
كان أجره على الحلقة الواحدة لما بدأ يعمل مسلسلات 16 جنيه وبعد خصم الضرائب والمخرجين كانت تصل لحوالي 7 جنيه.. ورغم كل ده كان بيقبل يشتغل بسبب شغفه وحبه في أنه يعمل مسيرة فنية.. وقال في تصريحات صحفية سابقة أن سبب اختيار لقب مشرف لاسمه بالرغم انه اسمه عبدالله محمد عبدالله.. أن والدته اسمها فاطمه على مشرف… ف حب ياخد لقبه من اسمها..
يوميات ونيس كانت انطلاقته الحقيقية في عالم الدراما التلفزيونية.. وقال قبل كده انه كان صاحب فكرة شخصيته في المسلسل.. وكان اخترع قصة لطفلين توأم سماهم حسن وحسين.. واتخيلهم بيتكلموا بنفس الطريقة البلهاء الل ظهر بها في المسلسل..
وكانت آخر أعمال عبد الله مشرف السينمائية.. ظهوره كضيف شرف في فيلم عالماشي.. والله تعرض مؤخرا بالسينمات.. وكان بطولة على ربيع وكريم عفيفي..
وبالرغم من المشوار الفني الثري بالأعمال والشخصيات المميزة إلا أن الفنان عبد الله مشرف قرر الاعتزال والابتعاد عن الأضواء الل حبته واكتفى بالل قدمه.. وبالرغم من أنه كان حاضرًا على الشاشات لحد السنه دي في فيلم ع الماشي.. وشارك السنة اللي فاتت في عملين هما الف حمدلله ع السلامة ورمضان كريم اتنين.. إلا أنه قرر يسدل الستار عن مشواره الفني..