![](https://onetakeeg.com/wp-content/uploads/2024/07/IMG-20240707-WA0194.jpg)
طلقتني ليه.. لطفي لبيب بقى مانيوال ونجوى فؤاد بقت روبوت.. اتقابلو بعد سنتين غياب.. وبالهزار اتصدروا التريند.. بعد الفيديو المنتشر لـ لطفي لبيب ونجوى فؤاد.. هل فعلا كانوا متجوزين؟..
/>
طلقتني ليه
اتصدرت الفنانة نجوى فؤاد والفنان لطفي لبيب التريند.. بعد انتشار فيديو ليهم بيوثق لقائهم بعد مرور سنتين.. وعبروا عن سعادتهم الكبيرة انها اخيرا اتقابلوا تاني.. واللي خلى الفيديو ينتشر اكتر.. هزار نجوى فؤاد مع لطفي لبيب.. وانها قالتله..أنت واحشنى طلقتنى ليه.. أنا عملتلك إيه.. وكملت وقالت.. ألف سلامة عليك.. بقالي سنتين مشفتكش واشتغلنا مع بعض في أعمال كتير.. وكملت هزارها وقالتله.. صحتي بقت زي صحتك بقينا زي بعض يا لطفى..
والسؤال الأهم دلوقتي بالنسبة للجمهور بعد كلام نجوى فؤاد.. هل فعلا اتجوزت هي ولطفي لبيب.. وامتى وليه دي أول مرة تتكلم عن الموضوع رغم انه معروف جدا انها اتجوزت قد ومعلن عدد اغلب زيجاتها.. ومن ضمنهم ولا مرة كان اسم الفنان لطفي لبيب..
12 مرة
وبحسب تصريحات سابقة ليها كانت اكدت انها ضربت الرقم القياسي في عدد الزيجات اللي وصلوا لحوالي 12 مرة على مدار حياتها.. أقصرهم كانت زواجها من الفنان احمد رمزي اللي مستمرتش غير 17 يوم بس.. وده كان تقريبا سنة 1963..
وعن زواجها من رمزي قالت نجوى إنه لما عرفها طلب الجواز منها والح عليها في انهم يسرعوا في الجواز.. بعد انفصاله عن زوجته.. وقالت انها وافقت بعد ما حست بالانجذاب نحيته.. رغم انها كانت مرتبطه بحفلات في امريكا وطلبت منه يأجل الفرح لحد ما ترجع.. لكن بعد ما رجعت مصر اتفاجئت انه رجع لمراته وطبعا طلبت الطلاق وهو بدوره معترضش.
أول جوازات نجوى فؤاد كان من الموسيقار أحمد فؤاد حسن.. قائد فرقة الماسية.. وانفصلت عنه بعد ما خلفت بنتها الوحيده منه.. والزواج التاني كان من مدرب الرقص كمال نعيم.. قبل ما تنفصل عنه وتتجوز احمد رموي الل جوازها منه كان الاقصر..
العصمة
أما زواجها الرابع فكان من اللبناني سامي الزغبي.. وكان وقتها بيشتغل مدير إحدى فنادق القاهرة.. وكانت نجوى ليها فقرة ثابتة فيه كل ليلة امتدت لفترة طويلة.. وده خلى علاقة حب تكبر بينهم وصلت للجواز.
وبعد انفصالها عنه اتجوزت رجل اعمال مصري كان صاحب توكيل عربيات مشهور جدا وقتها..
وبعد الانفصال اتجوزت من رجل الأعمال فايز طراد وبعده من سامي المهندس وبعدين محمد موسى.. الل بمجرد ما انفصلت عنه اتجوزت من رجل أعمال كويتي.. ده غير المطرب الشاب عماد عبد الحليم.. اللي اكدت بعض المصادر انها كانت عارفه انه اتجوزها طمع فاشترطت ان العصمة تكون في ايدها.. وبعد ما عرفت انه مدمن هيروين طلقته.. واخر زيجاتها كانت من لوا مصري مش مذكور اسمه..
ست بيت
في كل دول ولا مرة جات سيرة الفنان لطفي لبيب.. ولا مرة اتكلمت عن جوازتها لمحت لانها اتجوزت منه.. خاصة ان نجوى فؤاد كمان مسلمة ولطفي لبيب مسيحي.. ودينيا لا يجوز انهم يتجوزا اصلا..
كمان الفنان لطفي لبيب بحسب تصريحاته اتجوز مره واحده بس.. وقال انه قعد يدور على شريكة حياته لحد ما عرف مراته.. وهي اخت صديق عمره.. واتعرف عليها لما كان في زيارة لصاحبه ده.. وقال انها ست بيت جدا ومستحملاه.. وفي الاساس هي معلمة وكانت مهتمة جدا بالبيت وتربية الولاد طول فترة انشغاله.. وخلف منها 3 بنات.. وأكد انه مانعهم من دخول الوسط الفني علشان هما صعايدة..