![](https://onetakeeg.com/wp-content/uploads/2024/07/IMG-20240707-WA0215.jpg)
حزن كبير ودعوات الملايين.. عاد للحياة بمعجزة ليودع احبته.. كيف نعى نجوم الفن الراحل كابتن أحمد رفعت..
نجوم الفن
حزن كبير عاشته مصر كلها بمختلف انتماءاتها ومجالاتها.. بخبر وفاة أحمد رفعت.. بشكل مفاجئ بعد تحسن حالته.. والامل اللي رجع للكل بانه ممكن يرجع تاني ويلعب.. لكن هذا قضاء الله وقضاء الله نافذ..
ونعى أحمد رفعت عدد كبير من نجوم الفن.. منهم الفنان محمد هنيدي الل نعى رفعت وقال.. ربنا يرحمك ويصبر أهلك يارب.. وكتب أحمد السقا.. إنا لله وإنا إليه راجعون.. ربنا يرحمك ويصبر أهلك.. برجاء قراءة الفاتحة والدعاء لأحمد رفعت..
وعلق النجم نبيل الحلفاوي وقال.. الله يرحمك ويسكنك الجنة ويصبر أهلك يارب.. خالص العزاء لهم ولمحبيك ونحن منهم وللساحة الرياضية..
وكان حريص المخرج الكبير عمرو عرفه على المشاركة في دفتر عزاء رفعت.. وكتب على حسابه بموقع إكس.. فارق الحياة ثم أراد الله أن يردها له كي يودع أهله وأصدقائه.. حزني اليوم شديد.. في جنة الخلد بإذن الله.. وشارك الفنان شيكو بنشر صوره ليه على انستجرام وكتب.. قابلته مرة واحدة في حياتي وكان لذيذ أوي.. الله يرحمك يا أحمد ويصبر أهلك وكل حبايبك، الفاتحة..
وقال الفنان عصام السقا.. وفاة أحمد رفعت لاعب فيوتشر.. الحياة أبسط من كل الصراعات اللي عايشين فيها.. أدعوا له وأدعوا لأمه ربنا يربط على قلبها بالصبر..
مات كمدا
أحمد رفعت مات كمدا وقهرا.. مات بعد تعرضه لأشياء زي ما وصفها.. محصلتش لبني آدم.. في عمر 31 سنة.. احتفل بتمامهم من أيام.. بعد خروجه من أزمته الصحية بمعجزة.. بيموت رفعت بعد ما بيقول إن في مسؤول في الدولة هو السبب في الضغوط والاكتئاب اللي اتعرضله.. وقال ان نادر شوقي وكيله وهيثم عرابي المدير التنفيذي لنادي مودرن سبورت.. ووليد دعبس رئيس مجلس ادارة نفس النادي.. على علم بكل تفاصيل الموضوع..
الصادم إن إدارة نادي مودرن سبورت اصدرت بيان بعد جنازة رفعت مباشرة.. أكدت فيه إن اللاعب لم يتعرض لأي ضغوط.. وإن كل ما يثار في هذا الشأن على وسائل التواصل الاجتماعي.. عار تماما من الصحة.. وكأن البيان خرج علشان يكذب أحمد رفعت نفسه في أول ثانية ليه في القبر..
اخر ظهور
بس زي ما قال رفعت مع ابراهيم فايق في اخر ظهور اعلامي ليه.. مين اللي عندهم معلومة.. خرج نادر شوقي وكيله من الدفنه على البرنامج.. وقبل ما هو يبدأ يتكلم.. قالها أخو احمد صريحه.. اسألوا النائب أحمد دياب عن اللي حصل لرفعت.. وأحمد دياب هو عضو مجلس شعب.. مسؤول في الدولة.
وكمان رئيسة رابطة الاندية المصرية.. مسؤول رياضي.. وكان وقت ازمة رفعت رئيس نادي فيوتشر..
واتكلم نادر شوقي عن إن احمد كان مطلوب للتجنيد كحال كل الشباب اللي في سنة وجاله عرض من نادي الوحدة الاماراتي بما يعادل 29 مليون جنية مصري.. تمت الصفقة.. وتبقى اجراءات السفر.
طالب رفعت ان موقفه يكون قانوني وانه يخرج بتصريحات صحيحة ورسمية.. تعهد النائب احمد دياب بحل الازمة بصفة رئيس النادي.. وتزامن ده مع سفر بعثة الفريق بالكامل لـ ليبيريا.. استخرجوا تصريح لاحمد بالسفر مع الفريق.. والمفروض الفريق كان ليه ترانزيت في الاماراتي اللي هي وجهة احمد رفعت اصلا.. احمد خاف يدخل البلد من غير ما يكون موقفه قانوني..
أكدله احمد دياب وقتها انهم استخرجوا ليه تصريح تاني بفترة لعبة في الاماراتي اللي هي سنة.. اطمن احمد واتكل على الله.. وتألق في الشهور الاولى.. قبل ما يبدأ فصل جديد من القلق والضغط النفسي..
التهرب من التجنيد
احمد اكتشف انه متهم بالتهرب من الخدمة العسكرية ومطالب بالعودة لمصر فورا.. فضل على تواصل مع النادي علشان يحلوا الازمة وطبعا كانوا بيسوفوه.. وطمنوه انه يرجع مصر ومش هيحصلوا حاجه.. رجع أحمد واتقبض عليه من مطار القاهرة.. واتحبس بتهمة التهرب من اداء الخدمة العسكرية 6 شهور.. علشان يتضح بعد وفاته انه لم يستخرج ليه تصريح بمدة احترافه.. وانهم عملوله تصريح بفترة معايشة 3 شهور بس.. معايشة للاعب عمره 30 سنة..
اللي حصل لاحمد رفعت فتح باب الجمهور المصري كله بيتمنى انه ميتقفلش وتكون دي البداية اللي تعالج الفساد اللي موجود في الوسط الرياضي كله.. احمد مش بس الوسط الرياضي اللي كان زعلان عليه.. كمان الوسط الفني وكل مصر عاشت ليلة صعبة جدا بوفاته..