اتطلقوا من 7 شهور.. وكانوا متجوزين في السر.. اداها كل حقوقها وأصرت بردو ترفع قضية.. وقالت انه طلقها غيابي ومش راضي يديها حقوقها.. ورغم سرية الجواز قرر يفصح عن اسمه ويدافع عن نفسه.. الموسيقار هاني فرحات يرد على ادعاءات مي فخري بسبب انفصالهم..
تشهير وتدليس
تشهير وتدليس وادعاءات باطلة.. وكل اللى يهمها الفلوس.. ده الل قالته محامية الموسيقار هاني فرحات في ردها على ادعاءات الفنانة المعتزلة مي فخري.. بعد ما خرجت وشهرت بيه في برنامج الستات على قناة النهار..
وعلى الرغم من أنها مقولتش اسمه.. الا ان الاسم تم تسريبها للصحافة ووسائل إعلام ثانية.. علشان كد هاني فرحات مهموش وقرر يدافع عن نفسه من خلال محاميته..
في الصحراء عريانه
الفنانة المعتزلة مي فخري ظهرت في الحلقة علشان تتكلم عن معاناتها مع الطلاق الغيابي.. وانها قد ايه اتغدر بيها من جوزها اللى كانت مأمن الله.. وانها عرفت عن طريق المأذون..
وقالت نصا.. انا حسيت اني في صحرا عريانه.. واتفاجأت لان مكانش في بينهم مشاكل.. مش بس كده قالت إنها تعرضت للخيانة وسامحت وكل ده اتقابل بالغدر وانه طلقها غيابي..
وقالت مي انه امتنع يديها حقوقها الشرعية والقانونية وكان بيتهرب منها وقالت بالحرف الواحد مدنيش مليم..
الحقيقة
لكن الحقيقة بقى مكنتش كده خالص.. بحسب كلام محامية الموسيقار الشهير.. الل كشفت أنه منفصل عنها من 7 شهور.. وطلقها شفوي وبعدين وثق الطلاق.. وفي تسجيلات معاه بتأكد ده.. وعرفت منه قبل ما تعرف من اي حد تاني.. خاصة مع وجود مشاكل بينهما واستحالة العشرة.. ومكنوش عايشين مع بعض اصلا.. والجوازه كلها على بعضها استمرت سنة ونص في السر..
الصادم اكتر ان مي استلم مؤخر الصداق قبل ما ترفع بيه قضية بشهرين.. وكان بيدفع لها إيجار البيت لمدة 3 شهور.. اللى هم شهور العدة..
مفاوضات
كمان هو مرمهاش ونسيها.. لا في اتنين محاميين اتواصلوا معاها علشان يحلوا ودي.. وصديق فرحات كمان كلمها ورفضت.. وصممت على اللجوء للقضاء.. بعد مفاوضات دامت 6 شهور.. علشان تطالب بمبلغ اكبر من المعروض عليها.. والمحامين شايفين انها بتحاول تبتزه وتستغل شهرته علشان تاخذ مبالغ خيالية.. وانا مهتمتش بغيابة طول الشهور التي سبقت الانفصال الرسمي.. مادام كان بيبعت فلوس..
والخناقة دلوقتي وقبل كده كانت ولا زالت على الفلوس.. وأثبت هاني فرحات صحة كلامه كله بالمستندات.. الل اضطر انه يطلعها لم عمل استعلام القضايا.. اكتشف ان في قضية مرفوعة ضده من مي تطالبه فيها بحقوقها.. رغم انه معاه اللي يثبت أنها استلمت مؤخر الصداق الخاص بيها والل قيمته 150 ألف جنية.. بس طبعا ده بالنسبالها مش كفاية.. رقم تاني خيالي كان ممكن يبقى تمن ان الامور تنتهي.. ومادام موصلوش لاتفاق فهي لجأت للقضاء.. بدون وجه حق زي ما أكدت محامية الموسيقار الشهير..
هاني فرحات هو زوجها الخامس وعندها بنتين من اول وتاني زوج ليها.. ومحصلش انها خلفت منه طول فترة جوازهم الل متعدتش السنة ونص..
واتخذ الموسيقار كل الإجراءات القانونية ضدها بعد ظهورها الإعلامي في السب والقذف والتشهير والتدليس اللى اتعرضله..
