أسماء جلال عن الإنتقادات:” أنا بسقف للعبة الحلوة”
أسماء جلال عن الإنتقادات:" أنا بسقف للعبة الحلوة"
![](https://onetakeeg.com/wp-content/uploads/2024/07/155.jpg)
حلت مساء أمس الفنانة الشابة أسماء جلال في برنامج معكم منى الشاذلي الذى تقدمه الإعلامية منى الشاذلى على قناة ON ، حيث تحدثت في كثير من الأمور و إليكم أبرز التصريحات التي تحدثت أسماء جلال فيها.
أبرز تصريحات أسماء جلال مع منى الشاذلي :-
تحدثت أسماء جلال خلال الحلقة عن تشبيها بمايكل جاكسون، قائلة: “أنا دايما صاحبة مبدأ واللعبة الحلوة أسقف لها، ولو حد قال إفيه حلو هاسقف له، والصورة عجبتنى وحطتها عندى”، و تابعت : “مش عارفة إيه بداية الموضوع، ولكن لقيت الناس عمالة تقول أسماء جاكسون وناس تقول جاكسون الغلابة، وكنت فكراهم بيتكلموا على حد ولقيتنى أنا، وشوفت الصورة اللى فيها دمج بين صورتى و صورته بس مضايقتش كانت لذيذة وتضحك.”
وكشفت أسماء جلال خلال الحلقة عن مشاركتها في موسم عيد الأضحى بفيلمي “اللعب مع العيال” و”ولاد رزق 3″، قائلة: “مبسوطة إنى اشتغلت مع المخرج شريف عرفة وعملت البدوي واتعلمته، وإني مثلت مع محمد إمام، وإنى كمان اشتغلت مع نجوم فيلم ولاد رزق والمخرج طارق العريان”.
كما انها أضافت: “المخرج شريف عرفة أكتر إنسان قابلته عارف هو عاوز ايه، ومش بيختار أكتر من شوت، هو عارف أنهى مشهد اللى هياخده وأكتر شخص ذكى بيقدر يدير اللوكيشن، واكتشفت إن في Dress code لأنه بيتعامل مع الاستوديو إنه مكان الشغل وماينفعش حد ييجى لابس شورت أو شبشب”.
وتابعت:” قالى تعرفى تتكلمى بدوى وقلتله لأ وقالى ماشى هتتعلميه النهاردة، وفضلت أذاكر اللهجة 3 شهور وابعتله فويس نوت عشان أسأله لغاية لما اتعلمتها في النهاية، وكنا بنصور الفيلم في عز الحر ودرجة الحرارة عالية جدا.”
آخر أعمال الفنانة أسماء جلال:-
يذكر أن آخر أعمال الفنانة أسماء جلال فيلم ولاد رزق الجزء الثالث الذي يعرض حاليا بالسينمات، والذي اكتسح شباك التذاكر وحقق أعلى إيرادات في تاريخ السينما المصرية.
ويشارك في بطولة الفيلم العديد من الفنانين أبرزهم أحمد عز، عمرو يوسف، كريم قاسم، سيد رجب، آسر ياسين، أسماء جلال، و العمل من تأليف صلاح الجهيني، ومن إخراج طارق العريان.