بعد 60 يوم انفصال.. رسالة جوري بكر بعد عودتها لزوجها

شهرين انفصال ورجوع مفاجئ.. عاوزين ابنهم يتربي بينهم.. وبتطالب الناس تدعيلهم بالسعادة.. تفاصيل عودة جوري بكر لزوجها بعد الانفصال السريع.. 

 شهرين انفصال 

بعد شهرين بس من الانفصال اتصدرت الفنانة جوري بكرة التريند على منصات السوشيال ميديا بخبر عودتها مرة تانية لزوجها وأبو ابنها.. بعد ما اعلنت جوري الخبر ونشرت صوره ليهم مع على حسابها بموقع الصور والفيديوهات الشهير إنستجرام، وعلقت جوري بكر على الصور وكتبت.. تم الصلح بيني وبين زوجي وابو ابني واتمني للناس تدعيلنا بالسعادة والبركة..

وعلاقة جوري بكر وجوزها محل جدل كبير من أول ما أعلنوا جوازهم وفي كل مرة بيظهروا فيها مع بعض.. وكانت جوري قبل شهرين أعلنت انفصالهم رسميا من خلال ستوري نشرتها على حسابها كتبت فيها.. وَلَا تَنسَوُا الْفَضْلَ بَيْنَكُمْ إِنَّ اللَّهَ بِمَا تَعْمَلُونَ بَصِيرٌ.. تم الانفصال بيني وبين زوجي وربنا يوفق الجميع.. الحمد لله صبرت كتير واستحملت اللي مفيش جبل يستحمله..  

سبب الطلاق

وكلام جوري بكر كان أثار التكهنات عن وجود خيانة من زوجها.. لانها بتقول استحملت اللى مفيش جبل يستحمله.. وناس قالت بس حسد وخناقات أول سنة جواز.. لكن على كل حال تم الصلح بينهم ورجعت المياه لمجاريها.. ودي مش أول مرة يتم إعلان انفصال جوري بكر عن زوجها.. 

فـ قبل الانفصال الرسمي كان في إعلان انفصال اتكب على حسابها.. ونشرت ستوري قالت فيها.. وجعل بينكم مودة ورحمة.. تم الانفصال بيني وبين زوجي المحترم وبتمنالك كل الخير.. ومش عايزة حد يتواصل معايا في أي تفاصيل لأني مش هرد.. لكن جوري بكر بسرعة نفت الكلام ده وقالت إن حسابها اتهكر  وعلاقتها بزوجها مستقرة وكل حاجه زي ما هي..

وكتبت وقتها في منشور تاني قالت فيه.. أنا مش قادرة أتكلم وأعصابي تعبانة.. شكرًا جدًا لكل الناس اللي تواصلت معايا.. وحسبي الله ونعم الوكيل في كل واحد أو واحدة عايزين ينتقموا مني بالطريقة القذرة دي.. كل ده كان بالتزامن مع حملها في مولودها الأول تميم.. 

 من هو زوج جوري بكر

وكانت جوري بكر اتكلمت عن جوزها قبل كد وقالت إنه رجل أعمال من خارج الوسط الفني.. اتجوزوا في مارس 2023.. في حفل زفاف اسطوري.. في اسكندرية من غير حضور اعلامي ولا دعايا.. ودايما جوري كانت حريصه انها تخفي هويته عن السوشيال ميديا علشان تحافظ على خصوصيته.. كان دايما بيدعمها خلال تصوير مسلسل جعفر العمدة والل كان يعتبر مرحلة انتقالية في حياتها.. حتى انها كانت حامل في ابنهم الاول تميم خلال التصوير ومقالتش علشان ميأثرش على اهتمامها بالعمل.. ولا حد يقلل عليها خلال التصوير.. 

حب حياتها

وجوري اتخطبت له في سبتمبر 2022 ونشرت وقتها مقطع فيديو من الخطوبة وعبرت عن قد ايه هي مبسوطة وسعيدة وعلقت وقالت.. خلاص قولت أه لحب حياتي..

وفستانها كان من توقيع سماح مهران ومكياج مي الباهي.. وعلقت على إطلالتها وقتها وقالت.. أنا لو قعدت عمري كله أشكركم على أجمل يوم في عمري مش هوفيكم حقكم متحرمش منكم.. 

وطول والوقت جوري بكر بتنشر صور ليها مع ابنها تميم.. وبتعبر عن قد ايه هي بتحبه وممتنه لوجوده.. ودايما بتقول عليه بطلهم الصغير الل ملى حياتهم بالضحك.. وكل لحظة معاه كنز وانها وابوه فخورين بيه جدا.. 

وشاركت جوري في رمضان الل فات.. في مسلسل مسار اجباري مع الفنان احمد داش وعصام عمر وصابرين من تأليف باهر دويدار واخراج نادين خان..