![](https://onetakeeg.com/wp-content/uploads/2024/07/IMG-20240701-WA0025.jpg)
اتجوزت مرتين وأول مرة كانت عندها 19 سنة.. فقدت بصرها لمدة 6 شهور بسبب الزعل.. وبناتها الاتنين نور عينيها.. ودعت ربنا لو الشرنوبي شر يسيب بنتها.. وبنتها التانية هيا اتخطبت لـ حفيد رجل أعمال معروف..
تصدرت الفنانة أمل رزق التريند على مواقع التواصل الاجتماعي.. بعد خطوبة بنتها “هيا كتكت” على المهندس “آدم العربي” حفيد رجل الأعمال المعروف.. فمن خلال خطوبة “هيا” بنتها رجعت أمل رزق ظهرت من جديد بعد اختفاء مدة طويلة عن الأعمال الفنية.. فتعالوا نعرف ايه هو صندوق أسرار “أمل رزق” ؟..
اتجوزت وهى عندها 19 سنة
أمل رزق من الفنانات المعروف مشاركتهم بأدوار ثانوية في أعمال درامية كتير.. لكن مش كتير من الجمهور يعرفوا إن حياتها الشخصية كان معقدة جدًا.. فـ “أمل رزق” اتجوزت وهى عندها 19 سنة بس .. واتجوزت من المنتج إسماعيل كتكت وكان فرق السن بينهم كبير جدًا.. لكنها حبيته ووافقت تتجوزه.. وحكت أمل رزق عن فترة جوازهم وقالت:
“وافقت على الزواج من إسماعيل كتكت بلا نقاش لأني كنت بحبه جدًا،، مع إن كان فرق السن بينا كبير، وكان متزوج قبلي وعنده بنت اسمها فرح، وكانوا ينسبوها ليا وبيقولوا إن عندي 4 بنات وهي حبيبتي،، وبعد وفاته عانيت من الوحدة،، وكل اللي كانوا مقربين مني ويوميًا بشوفهم اختفوا وانقرضوا بعد وفاة زوجي إسماعيل كتكت، ومش فارق لي ولكني بستغرب”..
خبيت على بناتي جوازتي الثانية
وبسبب الوحدة قررت “أمل رزق” إنها تتجوز للمرة الثانية بعد وفاة جوزها بـ 3 سنين.. لكنها كانت خايفة من رد فعل بناتها الاتنين لمى وهيا ولادها من اسماعيل كتكت,, وعشان كدا خلت الجوازة سرية في الأول.. وحكت أمل رزق: “بناتي كانوا مدلعين وملكات عند والدهم، ووقت زواجي بعد وفاته بـ 3 سنوات كنت مرعوبة منهم، وخبيت عليهم شوية وبذلت مجهود كبير علشان يوافقوا، قررت اتجوز لأن مينفعش أكون لوحدي وأنا عندي 3 بنات، وهو قدر وهو ربنا بعتهولي كل حاجة فيه كويسة وهو إنسان محترم ومن عائلة كبيرة جدًا و بحب بناتي جدًا، وميتخيرش عن إسماعيل الله يرحمه، وربنا طول عمري عايز يكرمني”..
بناتها نور عينيها
ومن وقتها هيا ولمى هما نور عينيها.. وتحاول دايمًا تكون أم وصديقة ليهم.. بالرغم من الأزمات التي مرت بها في حياتها.. فسبق وفقدت بصرها لمدو 6 شهور بسبب أزمة نفسية مرت بيها.. لكنها خرجت منها بعدها.. وكمان احتفلت بخطوبة ابنتها الأولى “لمى” على الفنان والمطرب محمد الشرنوبي.. واللي اتفسخت خطوبتها من بعض بعد فترة قصيرة جدًا.. فقالت أمل رزق: “وأنا في الحج دعيت لو في شر من جواز بنتي لمحمد الشرنوبي ربنا يبعدها عنه، وانا في الطيارة بنتي كلمتني قالتلي أنا فسخت الخطوبة”..
احتفالها بخطوبة هيا كتكت
ومن بعدها اختفت أمل رزق فترة عن الساحة الفنية.. ومبقتش بتظهر في مسلسلات أو أفلام كتير.. لحد ما ظهرت في خطوبة بنتها “هيا”.. على المهندس آدم العربي احتفلت بخطوبتهم.. ففرحتها بيهم ماكنتش سيعاهم.. وعملت لـ “هيا” بنتها حفلة خطوبة عائلية عزمت فيها الأسرتين وكل اصحابهم.. وكمان زوجها التاني كان واقف معاهم وبيعامل بناتها الاتنين كأنهم بناته بالظبط.. وهما كمان متمسكين بيه وكأنه أبوهم.. فالظاهر أمل رزق قدرت تحقق الترابط بينهم بعد وفاة والدهام إسماعيل كتكت..
قولنا ايه رأيك في طلة هيا بنت أمل رزق في حفلة خطوبتها..