![](https://onetakeeg.com/wp-content/uploads/2024/07/IMG-20240701-WA0096.jpg)
رقص وغنا وعري في ساحة مسجد محمد علي.. اتهامات بـ تدنيس مقدسات ازدراء أديان.. مطالبات بمقاضاة المسؤول.. جدل حفل زفاف ابنة مفيدة شيحة..
فرح بنت مفيدة
جدل كبير أثاره حفل زفاف منه ابنة الاعلامية الكبيرة مفيدة شيحة.. بعد ما اتعمل في باحة مسجد محمد علي.. وتصدر اسم مفيدة شيحة التريند على كل المنصات.. بعد الانتشار الواسع لصور وفيديوهات كتب الكتاب.. اللي حضروا كل اعلاميين مصر وابرزهم كانت الاعلامية سهير جودة والاعلامية بوسي شلبي..
وبالرغم من الفرحة الكبيرة اللي كانت عند مفيدة إلا ان اتهامات كتير طالتها بعد وأثناء الفرح.. زي ازدراء اديان وتدنيس مقدسات وغيرها.. وده بسبب فيديوهات الرقص والغنا الل في باحة المسجد.. ده غير طبعا عري بعض الحاضرات.. على حد وصف البعض واللى طبعا ميناسبش ابدا قدسية المكان.. واللى حتى لو كان مكان اثري.. فهو في النهاية مسجد وتقام فيه الصلوات وليه قدسيته..
هجوم وانتقادات
الموضوع موقفش ع هجوم وانتقادات الناس بس اللي آراءهم انقسمت ما بين مؤيد ومعارض.. ف البعض شاف ان مفيدة مش اول حد عمل فرحه في نفس المكان.. ف سبقتهم الفنانة جميلة عوض الل الكل حكى وتحاكى بفرحها.. وقبلها ناس كتير ومحدش اتكلم.. وان المسؤولية على اللى جرالها المكان وجهزه.. والجانب الآخر شافوا انه المسؤولية تقع على كل الموجودين سواء معازيم او مفيدة شيحة واكيد المسؤولين عن المكان.. والشيخ خالد الجندي كمان مسلمش من الهجوم لأنه المفروض أحد رجال الدين وهو اللي كتب الكتاب وكان قاعد وشايف..
وان صحن جامع محمد علي هو جزء من الجامع.. ويجب التعامل معاه على هذا الأساس.. وان الصور لا تليق بقدسية وحرمة المكان سواء كان جامعًا أو كنيسة أو معبدا.. واستشهدوا بالسياح اللي يدخلوا المسجد وبيتم الباسهم عبايات ولبس مناسب زيارتهم لمسجد..
تدنيس مقدسات
كمان محبي الآثار الاسلامية والحضارة المصرية مسكتوش وحبوا يصعدوا الموضوع لأبعد من كد.. ف باسمهم قال رئيس حملة الدفاع عن الحضارة المصرية.. عبد الرحيم ريحان.. انه لازم المسؤولين عن اقامة الفرح يتم معاقبتهم..
وقال ريحان إن لو الأفراح تقام في المناطق الاثرية لازم تكون خارج نطاق الآثار الاسلامية.. وعلق على كلام البعض عن ان الاحتفال كان خارج المسجد وقال.. البعض بيقول إن الاحتفال خارج المسجد وده غلط لان صحن المسجد هو جزء من المسجد.. والجزء الداخلي يعرف بأنه إيوان القبلة.. والحصن الخارجي جزء منه لأن المسجد يتكون من فناء تحيط بيه أيونات..
واكد ان اللي حصل ده مرفوض شكلا وموضوعا وضد الأخلاق وكل القيم.. وحمل المسؤولية كاملة لمدير عام القلعة ورئيس قطاع الآثار الإسلامية والقبطية والأمين العام للمجلس الأعلى للآثار..
تحقيق موسع
وطالب بتحقيق كبير وموسع.. وقال.. مين اللي شاف ده وما منعوش ومين الشركة اللى تعاقدت من البداية.. الشركة بيكون ليها بنود واتفاقيات من أهمها احترام قدسية المكان زي الغنا والرقص..
وكمل وقال.. الل حصل من انتهاك لحرمات المساجد محصلش في مكان.. واللي بيحصل ده زي تدنيس القدس بالظبط.. ولازم تتم محاكمة المسؤول جنائيا..
اوضة وصالة
فرحة مفيدة شيحة ببنتها كانت كبيرة جدا.. ومكانتش مركزة ولا شاغلها هي فين وبتعمل ايه.. غير انها فرحانة ببنتها وبس.. ولحد اللحظة الل بيتكتب فيها الفيديو ده.. مفيدة معلقتش ولا ردت على كل الجدل المثار ده..
وكانت مفيدة قالت ان بنتها اتجوزت في شقة اوضة وصالة جهزتها هي وهو بالنص.. وتعتبر جوز بنتها وابنها وتخلي بالها منه علشان امه متوفية.. لانه محترم وملتزم ومقدر وطول ما بنتها مبسوطة هيفضل في عينيها..