بعد حبسه 3 سنين.. تفاصيل الحالة الصحية بمغني المهرجانات سامر المدني
بعد حبسه 3 سنين.. تفاصيل الحالة الصحية بمغني المهرجانات سامر المدني
![](https://onetakeeg.com/wp-content/uploads/2024/06/IMG-20240629-WA02141.jpg)
يموت في السجن.. وحالته الصحية تدهورت.. اتحبس بتهمة الخطف وهتك العرض وحيازة سلاح أبيض.. بعد حبسه 3 سنين تفاصيل الحالة الصحية لمغني المهرجانات سامر المدني..
3 سنين سجن
حالة مغني المهرجانات سامر المدني الصحية في تدهور.. بعد حبسه هو واتنين تاني بالسجن 3 سنين.. بتهمة الخطف وهتك العرض والضرب وحيازة سلاح أبيض.. وقال عمه احمد المدني.. ان سامر اتظلم واتاخد في الرجلين وهو مالوش علاقة بالقضية.. لأخطف ولا هتك عرض حد.. وقبل ما يتحبس أو يبقى في قضية.. والده جاله تهديد ان سامر هيتقتل وكان ع طول بيمشي مع اصحابه او والده خوفا عليه..
والصورة اللى انتشرت له وهو إمام الجامع في السجن وبيتعامل احسن معامله.. دي صورة مش بتاعته ومتعدله بالذكاء الاصطناعي.. بحسب الل قاله عمه..
سامر بيموت
وعملت عيلة سامر حملة كبيرة على فيسبوك تطالب فيه الناس بمساعدة سامر علشان يخرج وأنه سيموت في السجن.. ونشروا على حسابه بموقع فيسبوك بوست بيقول.. سامر المدني بقاله سنه و8 شهور مسجون ومحبوس.. حتى ان كنت مش بتحب سامر المدني معتقدش انك هتفرح انه مسجون ولا حد يتمنى كده لحد.. ليه طفل زى كده لسه يدوب مطلع بطاقة قريب تضيعوا مستقبله اللى لسه بيبني فيه.. ليه تضيعوا 3 سنين من عمره بين اربع حيطان.. سامر جوه يتعرض لازمه صحيه بسبب صُغر سنه وحالته تدهورت جداا..
سامر اتحكم عليه هو واتنين معاه بالسجن 3 سنين.. من محكمة جنايات الجيزة.. بتهمة الخطف وهتك العرض والضرب.. وحيازة سلاح أبيض وعصا خشبية شومة..
البداية
البداية كانت بالقبض على سامر لما واحدة ست راحت قسم الشرطة وحررت محضر وقالت ان سامر ووالده اعتدوا بالضرب على اخوها.. وحبسوه وعذبوه وجردوه من كل هدومه بسبب خلافها مع والد سامر.. والست دي تبقى زوجة والد سامر الثانية.. وده بعد ما اتفضحت قصة زواجه التاني الل كان مخبية عن زوجته الاولى..
سامر من يوم ظهوره على الساحة وهو بيثير الجدل.. خاصة انه ظهر طفل واخد شهره كبيرة جدا.. واكتر مرة اثار فيها الجدل لما نشر صورة ليه بعربية رانج روفر.. اعلن انه اشتراها..
المجني عليه
وقال المجني عليه.. ان الل حصل انه راح عند بيت عمرو والد سامر.. علشان يعرف عنوانه لطليق مراته.. علشان عاوز يعرف ولاده عايشين فين.. والد سامر شافه.. حاول يخبطه بالعربية وراح نازل من العربية وفتح عليه مطوه.. وجري وراه وخلى الناس الل عنده في الشارع تمسكه وتجري وراه.. وفضلوا يضربوه وقعوه هدومه..
وسامر اشترك معاهم في الضرب بالشوم والكاتر وشتموه وصوره بالموبايل ونزل بيه على القهوة وطلب منه يمسح جزمته قدام الناس بس المجني عليه رفض.. وفضلوا خاطفينه وحجزينه من الساعة 8 للساعة 2 الفجر.. وبعده كد راحوا طالعين بيه ع القسم وقالوا هناك انه كان جي يخطف بنت مراته.. وانه هدد اهل بيته واتهجم عليهم.. وبعتلهم شتايم على الواتساب.. ف راح هو حكى للظابط على كل الل حصل..
أشهر أغانيه
سامر المدني عمره دلوقتي حوالي 18 سنة.. ويعتبر من اصغر مغنى مهرجانات.. وكانت بداية انطلاق سامر الفنية من خلال تقديم فيديوهاتك على التيك توك..
وكانت بداية دخوله مجال المهرجانات الشعبية في 2019.. واحيا سامر عدد من الحفلات في الملاهي الليلية والسهرات الفنية.. وشارك مع عدد من المطربين في اغانيه منهم عمرو صاصا.. اخر حاجه كتبها سامر على حسابه في موقع انستجرام..
من أشهر أغاني المهرجانات الل قدمها سامر المدني.. أنا محترم.. أشرب حشيش.. يا برو يا سندي.. هربيكم.. مرحب أخصامي.. وأغنية كتكوتة..