![](https://onetakeeg.com/wp-content/uploads/2024/06/IMG-20240626-WA0159.jpg)
سناء جميل قدمت دور أم عمار ابن ياسر.. وجوزها كان يتحول للإسلام علشان يتجوزها.. باسم ياخور قدم خالد بن الوليد.. ويوسف داوود قدم خطبة الجمعة.. فنانين تفاجئ الجمهور انهم مسيحيين..
ا
الوحدة الوطنية
مصر طول عمر المسلم عايش جنب المسيحي بنتشارك في كل الأعياد ونحتفل مع بعض في كل المناسبات، ملامحنا واحدة، وطباعنا هي هي، طول عمر الهلال جنب الصليب، ميفرقناش عن بعض غير بعض الأسماء مش كلها كمان، علشان كده لو الاسم مش مرتبط بمعتقد ديني عمرك ما هتعرف من طريقة الكلام والملامح اذا كان ده مسلم ولا مسيحي..
وبذات في الوسط الفني مستحيل تعرف الفنان ده مسلم ولا مسيحي إلا إذا قال كد بنفسه، والوسط الفني ماليان فنانين كنا فاكرينهم مسلمين بس في الواقع هما مسيحيين، ووجهة النظر دي اتبنت علشان الادوار اللي بيقدموها واظهارهم للمحبة للشعائر الاسلامية اللي بيعملوها.. وقدرت السينما المصرية يكون ليها دور بارز في الوحدة الوطنية.. ومن أشهرهم..
باسم ياخور
الفنان باسم ياخور.. اللي قدم دور خالد بن الوليد في المسلسل التاريخي الذي كان بيقدم تاريخ واحدة من اهم الشخصيات في التاريخ الإسلامي.. وقال باسم ياخور ان عيلته مسيحية متنورة ومطلعة على تاريخ الإسلام وثقافته وهو ده اللي ساعده في تجسيد شخصية خالد بن الوليد..
سناء جميل
أما الفنانة سناء جميل ف اتعرفت باعمالها اللي قدمت فيها دور المرأة المسلمة، ومن أشهر الشخصيات اللي جسدتها سناء جمال كان دور والدة عمار بن ياسر في مسلسل الرسالة.. والمسلسل ده شهد تألقها خاصة في مشهد حكى عن وأد البنات غير مشهد قتل أم عمار على أيد أبو جهل..
والغريب ان مش بس المشاهد هو اللي كان فاكر سناء جميل مسلمة كمان جوزها الصحفى لويس جريس اللي فضل كاتم حبه ليها في قلبه كتير.. بسبب انه فاكرها مسلمه.. لانها طول الوقت تصلي على النبي وتقول عبارات في الغالب مسلمة.. لحد ما فاض بيه وصارحها وقالها.. بس لو مكنتيش مسلمة وانا مسيحي كنت طلبتك للجواز.. علشان تصدمه وتقوله انا مسيحية وموافقه.. وقالت انها اتعلمت العبارات اللي بتقولها دي من صديقاتها زهرة العلا وسميحة أيوب..
مراد مكرم
كمان النجم مراد مكرم والل اتعرف ببرنامجه الاكيل وبعدها مثل في أكثر من عمل وبدأ الجمهور يسأل هل هو مسلم ولا مسيحي، واتربي مراد مكرم في مدرس الراهبات وكان فيها طلاب كتير مسلمين ومكنش في اي تفرقة بينهم وبين بعض.. بدأ يحس كد لحد ما دخل الجامعة وبدأ يشوف شوية تعصب.. حتى انه حب بنت مسلمة.. ومامتها فضلت وراه لحد ما سابها.. علشان بعد كده يلاقي الحب الحقيقي مع زوجته.. وعبر عن فخره بمشاركته في فيلم بعنوان المسيح والاخرون..
يوسف داوود
اما بقى الفنان يوسف داوود.. وأشهر كلماته الكونسبت بتاع الحمدلله والسبحة اللي ماسكه في ايده.. ومره في الجيش قال خطبة الجمعة.. لانه كان شاطر في اللغة العربية والإمام غاب عن الحضور في اقنعوه يطلع يخطب.. وفعلا طلع وخطب خطبة الجمعة وبعدها لما عرف قائد الكتيبة عاقبه..
ابراهيم نصر
والفنان ابراهيم نصر واللي اتعرف زكيه زكريا.. الل بنت شهرته كلها في شهر رمضان الكريم.. ومكنش في اي حاجه تدل انه مسيحي.. لحد ما اتوفى وتفاجئ الجمهور أنهم يصلون عليه في الكنيسة المرقصية.. ساعتها تفاجئ الجمهور بس زودت احترامهم ليه.. علشان قد ايه مكانش مفرق بين مسلم ومسيحي وكان مصري بس وعلاقته بربنا كانت بينه وبين ربنا.. وده مقللش لحب الناس ليه كمسلم او مسيحي..
عايدة رياض
الفنانة عايدة رياض الجمهور كان فاكرها مسلمة.. بسبب أدوارها وانها دايما بتعظيم الشعائر الاسلامية تحديدا الاضحية.. وكمان اختها متجوزه كابتن حسن شحاته.. لكنها لأول مرة تتكلم عن مسيحيتها.. لما انتشرت صورة لحد بيعملها عمرة.. وقالت وقتها في تصريحات تلفزيونية انها تفاجئت ازاي يعني بيعملوا عمرة وهي مسيحية.. ولما اتسألت عن الأضحية.. قالت إنها خير وغير جدا المسيحية فيها ذبح بردو