قرر النجم المصري محمد صلاح يدخل في تحدي جديد مع الفنانين.. أثناء ما بيقضي فترة اجازته الصيفية في مصر.. وأثناء وجوده في الساحل الشمالي.. نشر “صلاح” صورة ليه وهو على حمام السباحة بالمايوه
وبيستعرض فيها عضلات البطن أو “السكس باكس”.. وكمان بيبرز فيها جسمه الرياضي.. ونشر الصورة على حسابه على “انستجرام”.. وعلق عليها وقال: “تحدي صورة الصيف بدون فلتر”.. وعمل مينشن لـ الهضبة عمرو دياب والفنان محمد رمضان والمطرب أحمد سعد.. وكمان لاعب الزمالك عبدالله السعيد.. ووكيل أعماله رامي عباس.. كتحدي ليهم إنهم هما كمان ينشروا صورهم بفورمة الساحل.. ويشاركوا في التحدي.. والمفاجأة إن كتير منهم استجابوا للتحدي.. وأولهم مدير أعماله “رامي عباس”.. وكمان الفنان “أحمد سعد” .. ونشر صورة ليه وهو بيستعرض عضلات بطنه.. وعمل منشن لـ “صلاح” وعلق على الصورة وقال: “قبلت التحدي”..
أما نمبر وان محمد رمضان.. فهو كمان قبل التحدي.. ونشر صورة ليه بفورمة الساحل وهو كاشف عن الجزء العلوي من جسمه.. لكن مع عدد من العمال اللي متصور معاهم.. وعلق على الصورة وقال: “مفيش أحسن من العمال الأبطال الشقيانين أشاركك معاهم التحدي يا أبو صلاح”
أما الهضبة عمرو دياب فلحد دلوقتي مشاركش في فورمة الساحل..
قولنا ايه رأيك في التحدي اللي عمله “محمد صلاح”.. ومين أحسن فنان فيهم عمل التحدي ؟
