كانت طالعة في الكبير أوي وهى لسة صغيرة.. ولعبت دور “سو” البنت الرخمة.. واللي محدش قادر عليها.. وبعد ما اختفت سنين عن الجمهور.. ظهرت فجأة وهى متجوزة وحامل.. وشكلها متغير 180 درجة ..
كتير من الاطفال يبدأوا يشاركوا في الأعمال الفنية من وهما صغيرين.. فليحفظ الجمهور شكلهم ويفضلوا في نظرهم الأطفال الصغيرين اللي استحالة يكبروا.. ومنهم الطفلة ليلى عدنان.. واللي بدأت بدور “سو” في مسلسل “الكبير أوي”.. ومن وقتها وبقي الجمهور عارفها وبيحبها.. لكنها اختفت فجأة عن الجمهور ورجعت بشكل مختلف تمامًا.. فيا ترى ايه حكاية ليلى عدنان أو “سو” في مسلسل “الكبير أوي” ؟ …
عندها 24 سنة ومثلت 16 مسلسل
ليلى عدنان بنوتة جميلة بعيون ملونة وشعر أشقر.. اتعرف عليها الجمهور أول مرة من خلال ظهورها في دور “سو” بمسلسل الكبير أوي.. وظهرت في دور اخت “اشلي” .. واللي جاية رحلة لـ مصر من أمريكا.. لكنها طفلة رخمة جدًا ومش بيعجبها حاجة.. وكانت بتضايق كل اللي في المسلسل زي الكبير أوي وهدية.. واتعرف عليها الجمهور من خلال الدور دا.. ورغم إنها ظهرت في حلقة واحدة بس.. لكن الجمهور اعجب بيها جدًا وبطريقة ادائها للدور.
وكمان حبوا ملامحها.. وعشان كدا كان في فرصة إنها تشارك في أعمال تانية سواء دراما أو سينما.. وفعلا شاركت في أكتر من 15 مسلسل.. فشاركت كمان في مسلسل “بيت العيلة” ومسلسل “شارع عبدالعزيز”.. كمان مسلسل “بلا دليل وشبر مية”.. وشاركت في فيلمين بس وهما “بنات العم” و”نوارة”,, كمان عملت مسلسلات تانية زي “الشريط الأحمر” و”بنات سوبر مان” و”على كف عفريت”,,
ظهورها المفاجئ بعد ما كبرت
وبعد ما أدت ليلى عدنان أدوار كتير وهى صغيرة.. اختفت فترة عن الجمهور بسبب انشغالها بدراستها.. ورجعت ظهرت وهى في سن أكبر شوية في 2001 في مسلسل “حي السيدة زينب”.. وفي نفس السنة اتفاجئ الجمهور إن “ليلى” البنت الصغيرة اللي كانت في الكبير كبرت وبقت آنسة.. وبقا عندها 21 سنة.. ولسة محتفظة بجمالها وملامحها.. لكنها مبقتش الطفلة اللي اتعود عليها الجمهور.. ففي نفس السنة أعلنت “ليلى” عن خطوبتها من شاب من برة الوسط الفني اسمه عمرو أسامة.. وكانت دايمًا بتشارك صورها معاه على حسابها على انستجرام.. واللي بيوصل عدد المتابعين عليه لأكتر من 150 ألف متابع ..
احتفال ليلى عدنان بجوازها
وبعد خطوبتها بفترة احتفلت ليلى عدنان بجوازها منه.. وطلت بـ الأبيض وظهورها كان مفاجأة كبيرة للمتابعين.. فشافوا “سو” البنت اللي اتعودوا إنهم يشوفوها على إنها طفلة صغيرة عروسة كبيرة قدامهم.. واتجوزت “ليلى عدنان” ومبقتش تشارك في أي أعمال فنية.. لكنها استمرت في إنها تشارك المتابعين صورها.. وكمان يومياتها مع جوزها.. والاحتفال بمناسباتهم مع بعض.. زي الاحتفال بمناسبة عيد جوازهم.. ونشر صور وفيديوهات ليهم كمان..
الإعلان عن حملها
كمان ليلى عدنان فاجأت المتابعين والجمهور بالإعلان عن حملها.. فنشرت صورة ليها هى وجوزها وفي زيادة في وزنها وباين عليها الحمل في شهور متقدمة.. وعلقت على الصورة وقالت: “عيلتي الصغيرة بتكبر”.. واتفاعل معاها المتابعين والجمهور وباركوا ليها.. وحسوا إن ليلى خلاص بقت مكتفية بعيلتها ومش حابة ترجع للتمثيل مرة تانية.. وعلق المتابعين وقالوا في تعليقاتهم:
“ربنا يقومك بالسلامة يا حبيبتي”.. “ألف مبروك ربنا يقومك بالسلامة وتبقى احلى ام في الكون”..
ورغم إن الجمهور والمتابعين كانوا فرحانين لـ حمل “ليلى”.. لكنهم كانوا مستغربين التغير الكبير اللي حصلها.. وإن البنت الصغيرة اللي كانوا بيتفرجوا عليها فجأة بقت شابة كبيرة وزوجة وكمان “أم”.. فيا ترى ليلى عدنان ممكن تفكر ترجع لـ التمثيل مرة تانية ؟
