عايشة برة .. و مبتعرفش تتكلم عربي.. ومتجوزة بولندي.. بتشتغل خبيرة تغذية وصحة.. وبتتهاجم من الجمهور بسبب إطلالاتها الجريئة والمكشوفة ..
رغم حب الجمهور الكبير للفنانة عبلة كامل وتقديرهم لها.. لكن ابنتها “فاطمة” دايمًا تتعرض لانتقادات عنيفة من الجمهور بسبب إطلالاتها الجريئة .. والمختلفة تمامًا عن اللي الجمهور اتعود عليه من الفنانة “عبلة كامل”.. وفاجأت “فاطمة” الجمهور والمتابعين في آخر ظهور لها.. فيا ترى ايه اللي عملته “فاطمة” وايه حكاياتها وليه عايشة برة مصر ؟
متجوزة بولندي وبتتكلم إنجليزي
“فاطمة” هى البنت الكبيرة للفنانة عبلة كامل من الفنان أحمد كامل.. بتشتغل خبيرة تغذية وصحة.. وهي واختها الصغيرة سافروا واتعلموا برة.. والاتنين قرروا يتجوزوا أجانب.. و عايشين بره مصر.. وكمان عندهم أولاد وعايشين هناك.. فاتكلم أحمد كمال والدهام والزوج السابق للفنانة عبلة كامل عن خطوة جوازهم من أجانب وقال:
“أنا وعبلة كامل مدخلناش في اختيارات بناتي في الزواج من أجانب، ووافقت على أزواجهم بعد أن أشهروا إسلامهم عن قناعة،، وتم جواز بناتي بدون شبكة ومهر وقائمة منقولات، وكان الفرح عبارة قعدة عائلية وشوية رز وسمك، وأشرفت عبلة كامل على الأكل، وأزواج بناتي كويسين جدا، وبتكلم معاهم وهما أصحابي وأذكياء ودماغهم كويسة، وحياتهم بسيطة وشخصيات لذيذة” ..
إطلالات جريئة ولبس مفتوح
وعشان كدا بناتها الاتنين عايشين برة مصر.. لكن “فاطمة” هى اللي ليها الظهور الأكبر.. فدايمًا بتنشر صور ليها على السوشيال ميديا.. وتشارك المتابعين إطلالاتها.. وكمان بتشارك صورها مع جوزها البولندي وكمان مع بنتها.. لكن “فاطمة” دايمًا تتعرض للانتقادات من الجمهور والمتابعين.. بسبب إطلالتها الجريئة.. فـ “فاطمة” ظهرت مرة بكروب توب وكمان شورت قصير.. وإطلالاتها كلها جريئة وساعات كمان بيكون لبسها كاشف عن جزء من بطنها.. وطبعًا الجمهور والمتابعين المحبين لعبلة كامل متقبلوش إن بنت “عبلة كامل” تظهر بالشكل دا.
خاصة إن عبلة كامل كانت ملتزمة في لبسها جدًا .. وكمان أدوارها متحفظة.. وبدأ الجمهور والمتابعين يقولوا في تعليقاتهم على صور “فاطمة”: “ما تتوقعش إن دي تكون بنت الست الأصيلة ،، الكويسة والمحترمة،، واللي احنا شفناها على الشاشة من قلوبنا،، لبس فاطمة غير لائق تمامًا،، وحتي شكلها أجنبي و عايشة برة”..
تجاهل فاطمة لـ انتقادات الجمهور
أما “فاطمة” فبتتجاهل تمامًا انتقادات أو تعليقات الجمهور السلبية.. ومركزة في إنها تعيش حياتها بسعادة خاصة إنها بتشتغل خبيرة تغذية ومستقرة مع جوزها البولندي.. وكمان بنتها واللي فيها شبه كبير من جدتها “عبلة كامل” هى كمان مستقرة.. وواخدة جينات الأجانب.. سواء في اللغة أو في طريقة المعيشة..
اختفاء عبلة كامل ورفض التعليق
ومع استمرار حديث الجمهور عن بنات عبلة كامل.. توقع الجمهور إنها ممكن تطلع تعلق على انتقادات الجمهور لـ بناتها.. لكن عبلة كامل ومن وقت بعدها عن الساحة الفنية مظهرتش في ولا لقاء ورافضة الظهور في أي لقاء.. خاصة مع عرض صاحبة السعادة إسعاد يونس اكتر من مرة عليها إنها تطلع معاها وتتكلم مع الجمهور.. لكنها رافضة الظهور تمامًا.. كمان المنتج جمال العدل أكد إنها بعدت عن الساحة الفنية خلاص وقال في تصريحاته الأخيرة:
“أنا قلت إن عبلة كامل مش هتمثل تاني كتوقع مني،، لكن توقع أقرب من المعلومة،، احنا اخوات وصحاب جدًا،، ومن فترة جاتلي الشركة سلمت عليا،، بس انا استشعرت انها مش هتمثل تاني،، بس أقسم بالله ما قالتلي حاجه،، بس هقولك هي حتى في عز ما كنا بنشتغل مع بعض ريا و سكـ ـينه كان صعب تكلميها في التليفون و ترد عليكي،، فاللي هي فيه ده مش جديد عليها”..
فيا ترى مع استمرار الهجوم والانتقادات اللي بتتوجه لـ بنتها “فاطمة” هتطلع ترد.. ولا تستمر في عزلتها ؟
