شايفه انه كفاية.. ومقولتش أي أسباب.. اخر ظهور لها كان في فرح جميلة عوض.. خلال النصف الأول من 2024 بس عملت 4 أعمال.. منهم عمل كسر الدنيا.. سر إعتزال شيرين رضا للتمثيل
إعتزال شيرين رضا
بشكل مفاجئ أعلنت الفنانة شيرين رضا اعتزالها الفن من خلال.. ستوري على حسابها بموقع «إنستجرام».. من غير ما توضح اي سبب انزعاجها و السبب اللي خلاها تاخد القرار ده.. خاصة أنها في الفترة اللي فاتت كانت تعيش حالة فنية مميزة وقدمت اعمال مميزة حبها الجمهور.. وكتبت شيرين.. بدون مقدمات.. كفاية بقى.. قررت الاعتزال.. وده طبعا ساب الكل في حيرة من امره.. عن سبب اعتزالها التوقيت ده بالذات..
وكانت شيرين غابت عن دراما رمضان 2024.. وبررت ده ان الشغل في رمضان صعب.. وقالت وقتها.. مش هتشوفني في رمضان 2024.. وبقالي كام سنة واخدة بريك من رمضان لأن التصوير في رمضان صعب جدا ونبتدي كل حاجة متأخر.. وكان فيه مسلسل شاركت فيه آخر يوم تصوير خلصنا 6 بعد الظهر..
وكملت وقالت.. المشكلة في رمضان أن مش بيبقى في وقت فنضطر نقول الكلام من غير تمثيل من غير فن.. وده مش حاجة بحبها..
الظهور الأخير
والظهور الأخير لشيرين رضا كان في حفل زفاف الفنانة جميلة عوض على المونتير أحمد حافظ.. وآخر أعمالها في الدراما.. كان مسلسل وبينا ميعاد الجزء التاني.. وكان مكون من 40 حلقة.. والل شاركها في بطولته الفنان صبري فواز.. والفنان مدحت صالح.. والمسلسل حقق نجاح كبير جدا.. والجمهور يطالب بجزء ثالث..
والبعض ربط بين إعتزال شيرين رضا والهجوم الكبير الذي يتعرض له طليقها السابق.. بعد اعتداءه على أحد المعجبين في فرح نجلة المنتج محمد السعدي.. وقالوا إن شيرين رضا عبرت عن استيائها من اللى بيحصل الفترة الاخيرة بانها تعلن اعتزالها الوسط الفني كله.. لكن هل السبب ليه علاقة بمشاكل حصلت او غيره لسه مفيش اي انباء ولا تعليق من شيرين رضا أو مقربين..
ليست المرة الأولى
ودي مش المرة الأولى اللي تقرر فيها شيرين رضا الاعتزال.. فسبق وحصلت في التسعينات بعد ما قدمت مجموعة اعمال.. وبدأ الجمهور يتعرف عليها بشكل أكبر بعيدا عن الإعلانات.. الل كانت تعتبر نجمتها الأولى في الفترة دي.. وقدمت فوازير بعنوان.. «فوازير الفنون».. وكانت وقفت قدام النجم الراحل أحمد زكي في افلام «نزوة» و«حسن الللول».. وفجأة بردو قررت الاعتزال والبعد عن التمثيل..
واستمرت في اعتزالها حوالي 10 سنين.. وبررت بعدها انها كانت لازم تختار ما بين انها تقعد مع بنتها نور وتربيها او انها تسيبها وتنشغل بالتمثيل.. وفي الآخر اختارت نور..
اشرف حرامي
قبل ما ترجع تاني للتمثيل من خلال فيلم أشرف حرامي في 2008.. وبقت تظهر بشكل محدود في عدد من الأعمال لحد ما شاركت في مسلسل بدون ذكر أسماء للمخرج تامر محسن والمؤلف وحيد حامد في 2012.. والل اعتبره البعض العودة الحقيقية لشيرين رضا.. ومن هنا انطلقت وقدمت مجموعة كبيرة من الأعمال سواء سينما أو دراما..
وقالت انها رغم مشاركاتها البسيطة من 2008 ولحد مسلسل بدون ذكر اسماء.. كان تردد كبير منها انها ترجع تاني للتمثيل.. ولكن ترشيح وحيد حامد ليها كان السبب الرئيسي في قبولها المشاركة في المسلسل.. لأنه اداها ثقة كبيرة تكمل مشوارها..
وخلال بس سنة 2024 قدمت شيرين رضا 4 أعمال ما بين سينما وتلفزيون وده في النصف الاول بس من السنة.. منها طبعا وبينا ميعاد الجزء التاني وفيلم مقسوم وفيلم الملكة بالاضافة لظهورها ضيفة شرف في فيلم رحلة 404 لمنى زكي..
