نجت من رصاص المنظمة السرية.. وكانت هتتورط في جريمة قتل بسبب السحور.. اتجوزت 5 مرات.. ابرزها كان فريد شوقي.. محطات من حياة الفنانة هدى سلطان..
موهبة عبقرية
تعتبر الفنانة هدى سلطان من الفنانات الل قدروا يخلقوا لأنفسهم مساحة كبيرة في العصر الذهبي للغناء.. والتمثيل.. وحنجرتها وصفها النقاد بـ الذهبية والموهبة العبقرية..
اسمها الحقيقي بهيجة عبد السلام من مواليد 15 أغسطس 1925.. واختارت لنفسها اسم هدى سلطان علشان يبقى اسمها الفني.. والل سمتها صديقتها المحامية مفيدة عبد الرحمن.. وتوفيت هدى سلطان يوم 5 يونيو 2006.. عن عمر ناهز 81 سنة.. وده بعد 50 يوم بس من وفاة بنتها مها..
مواقف مرعبة
وفي حياتها عاشت تحديات كتير وكان في محطات اكتر مرت بها خلال مسيرتها او حياتها الشخصية.. وكانت راضية دائما عن كل أدوارها بصرف النظر عن حصولها على جوائز او لا.. مندمتش على اي عمل قدمته لأنها دقيقة جدا في اختيارها لأعمالها و بتراعي دايما انه يوصل لقلب الجمهور..
ومن الحاجات المرعبة التي تعرضت لها في حياتها.. بما زارت الجزائر وقابلت عدد كبير من المواطنين ووقفت وسط مطار الجزائر تهتف للجزائر وزعماءها.. ووقف حواليها عشرات الضباط والجنود الفرنسيين.. وده اللي خلاها تحت المراقبة الشديدة.. وفتشوه تفتيش دقيق.. ورفضت وقتها تكتب اسمها بأي لغة الى العربية.. قبل ما يهمش واحد جزائري في ودنها ويقولها حياتك في خطر.. ولو رجعت للمطار مرة تانية هتتقتل.. على ايد المنظمة السرية الإرهابية او هتتخطف.. واضطرت هدى ترجع القاهرة عن طريق مدريد وبعدين روما بدل ما ترجع من تونس..
سحور رمضان
واستكمالا للمواقف المرعبة عاشت هدى سلطان ليلة صعبة جدا.. وكان وقتها في رمضان.. وكانت وقتها لسه واصله مصر الجديدة.. وسكنت في شقة كانت معاها بس خادمتها الل كانت بتمشي بعد الفطار..
وبتحكي هدى سلطان وبتقول.. في ليلة سمعت صوت حركة مش عادية في البيت.. ومكانش معايا حد وسمعت الأصوات دي وارتعبت.. والأصوات دي كانت زي سقوط العفش وخبط وحركة مش طبيعية.. لحد ما تأكدت ان اكيد في حراميه في البيت.. مقدرتش اتحرك من مكاني..
وفجأة سمعت خبط على باب اوضة نومي.. مقدرتش اعمل غير اني اشيل الرخامة اللي على الترابيزة وفتحت النور وسألت مين.. محدش رد.. بدأت تصرخ وتستغيث بالجيران من الحرامية.. قبل ما يطلع صوت نسائي يقول.. متخافيش ياستى، ماتخافيش..
وفتحت الباب واتفاجأت بخادمة الجيران واقفه قدامها ولما سألتها عن سبب وجودها في البيت.. قالتلها انها دخلت الشقة بالمفتاح.. وعرفت منها انه خادمتها قالتلها انها نامت من غير سحور ووصتها تصحيها وقت السحور وادتها مفتاح الشقة.. ونفذت البنت الوصية وكانت هتموت فيها..
اتجوزت 5 مرات
واتجوزت هدى سلطان خمس مرات في حياتها.. المرة الأولى كانت من محمد نجيب وخلفت منه بنتها نبيله والمرة الثانية كانت من المنتج الجزايرلي.. والمرة التالتة اتجوزت فؤاد الأطرش شقيق الفنان فريد الأطرش..
وجوازاتها الاشهر كانت من وحش الشاشة فريد شوقي وكانت أطول جوازه استمرت 15 سنة وخلفت منه.. مها وناهد وانفصلوا سنة 1969.. وجوزاتها الاخيرة كانت من المخرج حسن عبد السلام..
واصعب موقف في حياتها كان يوم 19 اكتوبر 1966.. لما رحل توأم روحها الفنان محمد فوزي.. وأصيبت بانهيار شديد بعد سماع الخبر.. وكانت من اصعب لحظات حياتها لأن علاقتها بيه مكانتش علاقة اخ بس.. لكنها كانت دائما تقول احنا روح في جسدين..
