مخرج برنامج الدحيح.. و تصدر الأفيش مع احمد الفيشاوي.. منتج مبيدفعش اكتر من اتنين جنية وربع.. واشهر وثائقيات حق رمزي وأحمد العوضي.. أحمد رمزي كوميديان وجد ضالته على السوشيال ميديا..
كوميديا سوداء
بسلسلة تكلفتها متعديش اتنين وربع زي ما هو دايما بيقول.. قدر احمد رمزي يعمل لنفسه مكانة خاصة جدا على السوشيال ميديا.. منها الحلاقين وفنان جدع والجواز وحق رمزي.. بيعكس من خلالهم الواقع بطريقة ساخرة.. على طريق الكوميديا السوداء..
رمزي مش بس بيجسد شخصيات من الواقع الأليم وقدر ينتج شخصيات الناس بتتعامل معاها ع انها واقع.. كما يجسد شخصيات من بعض المسلسلات والأفلام.. وبيعكس في محتواه ملاحظاته واراءه بطريقة مميزة بتخلي اي حد يتفرج عليه يضحك من قلبه..
https://www.facebook.com/share/v/kuK8mXonMDzMjdDi/?mibextid=oFDknk
أحمد رمزي الموهوب
رمزي بقى نجم على السوشيال ميديا وفيديوهاته الجمهور بيستناها.. والجميل في رمزى انه بيكتب كل التفاصيل والتكاليف و الكواليس.. واهم حاجه بتميز فيديوهات الإنتاج.. اللى عمره ما تخطى الاتنين جنيه وربع زي ما هو دايما بيقول..
رمزي موهوب جدا مش بس في التمثيل كمان في الكتابة والإخراج.. خاصة انه لوحده بيعمل كل المراحل دي حتى التصوير.. علشان يخرج فيديو بأقل الامكانيات يعجب جمهوره..
شغل رمضان
فمثلا في فيديو الجواز.. اتكلم رمزي عن قضايا الجواز والتحديات التي تواجه الشباب والواقع اللي بيعيشوا بطريقة ساخرة كوميدية.. وفي فيديو تاني كان بعنوان احمد العوضي فنان جدع.. اتكلم عن منهج العوضي واتباعه لخط معين في رسم الشخصيات اللى بيقدمها ووصف العوضي.. بعوض السينما المصرية.. حتى احمد العوضي.. علق على الفيديو وقاله انا دلوقتي هزعق..
طور رمزي محتواه في شهر رمضان قدم مجموعة حلقات مختلفة من بودكاست كل جمعة على يوتيوب بعنوان.. اللعب مع الهزار.. وكان يقدمه فريق ثابت تلاته منهم رمزي.. والضيوف كانوا بيتغيروا كل حلقة.. الحلقة كان فيها لعب وتسلية وكلام من القلب..
مخرج الدحيح
اللى الناس متعرفوش ان رمزي هو مخرج برنامج الدحيح.. أحمد الغندور البرنامج الاكثر مشاهده على اليوتيوب.. وكانت واضحة لمسة رمزي جدا على الاسكتشات التي يقدمها الدحيح قبل كل حلقة..
وكتب رمزي على حسابه في فيسبوك تعليقا على بداية دخوله مجال الإخراج من خلال برنامج كبير زي الدحيح..
الحمد لله أول تجربة ليا في الإخراج لبرنامج الدحيح.. دلوقتي نزلت اول حلقة من إخراجي و ان شاء الله مكملين معاكم الحلقات الجاية.. وكمل وقال.. مبسوط إن أول تجربة إخراج ليا غير ڤيديوهاتي تبقى وسط ناس بحبهم .. شكراً لكل الناس اللي بيدعمني.. و كل الناس اللي دايماً جنبي وشكراً لأهلي و أحبابي.. وأخيرًا متنساش تتفرج ع الحلقات اللي فاتت والحلقات اللي جاية وانزل بص ع المصادر
البداية
رمزي بدأ فيديوهات على السوشيال ميديا من 8 سنين.. من تأليفه وإخراجه.. والل منها قدر ياخد الخطوة الاهم الل كان مستنيها.. منها مشاركته لأول مرة في التلفزيون في مسلسل في بيتنا روبوت.. والل قال على تجربته الدرامية الاولى وشخصية هادي.. انه مبسوط جدا بالمشاركة في المسلسل.. رغم أنه واجه بعض الصعوبات خلال التحضير لشخصية هادي وحاول يلم كل التفاصيل الصغيرة.. لحد ما ظهرت شخصية هادي بصورة مثالية.. وقال إن فريق عمل المسلسل أسرة واحدة وكلهم بيعملوا الشباب..
صورة على الأفيش
ومستناش كتير رمزي علشان تتصدر صورته لأول مرة افيش فيلم.. بعد مشاركته في فيلم رهبة.. مع الفنان أحمد الفيشاوي.. والفنان مصطفي غريب.. واللى اتعرض مايو الل 2023..
ونشر رمزي البوستر وكتب تعليق عليه.. قال فيه.. الحمد لله حتى يبلغ الحمد منتهاه أول تجربة ليا في السينما ده بفضل ربنا عليا ثم دعم أهلي ودعمكم.. يارب تكون خطوة لنجاحات كتير جاية ربنا يجعل في وشنا القبول وإن شاء الله الفيلم يعجبكم..
ودخل رمزي عالم التمثيل من بوابة المسرح في 2015.. وتخرج من معهد الفنون المسرحية.. لسه محافظ على تواجده على السوشيال ميديا ويطور من فيديوهاته علشان دايما يبقى الافضل..
