لطفي لبيب عن سبب اعتزاله: مين هيشغل ممثل نصه طاير

صعيدي وبيرفض توريث بناته الفن.. عايش بنصف جسم.. ومبقاش قادر يشتغل.. رفض تكريم السفارة اياها.. وراضي باللي وصله.. لطفي لبيب وسبب اعتزاله الفن

 اعتزال لطفي لبيب 

اتكلم الفنان لطفي لبيب عن اعتزاله الفن بشكل نهائي.. خاصة بعد مشاركته الاخيرة في فيلم مرعي البريويو مع الفنان محمد هنيدي.. واللى كان بالنسبة للجمهور مفاجأة الفيلم.. 

وقال لبيب في تصريحات تلفزيونية لكل اللى الناس الل بتسألني دايما عن اعتزالي.. كلكم نظر.. هو مين يجيب ممثل طاير نصه؟ مينفعش.. وأنا قانع جدًا بما أنا فيه وراضي باللي كتبهولي ربنا.. راضي بنسبة 100% وسعيد لأني كنت شغال كتير.. وعامل 150 فيلم و380 عمل فني بما فيها الأفلام..  دول كانوا واخدني تماما من بيتي.. 

حالته الصحية أجبرته على انه يبعد فترة طويلة عن التمثيل..  وخلاص مبقاش يقدر.. وكمان مفيش حد هيطلب ممثل مريض ونظره ضعف.. 

 جلطة من 2017

وطمن لطفي لبيب المشاهدين على صحته واتكلم عن تفاصيل مرضه وقال أنه تعرض لجلطة في المخ من 2017.. وقفت الايد والرجل الشمال.. ولما بيمشي يتسند على مدير أعماله ومن وقتها محصلش تطور في حالته الصحية.. ولكنه يحاول يمارس حياته بشكل طبيعي.. 

لكن على قد حبه للفن بس يجي لحد بناته ويعمل ستوب.. يظهر الرجل الصعيدي الل رافض بناته يدخلوا الوسط الفني.. ويرفض يورث الفن بشكل عام.. ويقول لبيب.. أنا أب لـ 3 بنات.. والزوجة قاعدة في البيت و مهتمة بيا وبالعيال.. هي ست جدعة ربنا يديها طولة العمر والصحة ويخليها ليا..

https://www.instagram.com/reel/C7fHF6Eg8bA/?igsh=MXhpYXA1bnh0b3l6MA==

راجل صعيدي

أما بناتي مش عايزين يدخلوا الفن.. وأنا صعيدي أصلًا ومش حابب أورث بناتي لأن الفن ده ورث.. واللي ولادهم طلعوا فنانين دول ورثوهم الحكاية.. وأنا معملتش ده.. ومينفعش اعمل ده مع بنات شقين طريق في حاجات تانية.. وأنا أب حاسم بس حنين جدًا.. في حاجات لا أقبلها وفي حاجات أبقى حازم فيها وحاجات بدلع فيها البنات

واتكلم الفنان لطفي لبيب عن رفضه التكريم من السفارة الإسرائيلية.. وقال أنه لقيهم يكلموه علشان يكرموه على دوره في فيلم السفارة في العمارة.. ورفض وقتها وقالهم مينفعش.. وانه شايف المكالمة دي وهو حارب علشان الارض دي جزء من مصر.. وسينا غالية عليه بشكل لا يتخيله عقل.. 

واستعاد ذكرياته مع فيلم عسل اسود.. اللي عمل فيه شخصية راضي.. وقال إن الدور في البداية من نصيب الفنان محمد شرف.. ولكن تعرضه لوعكة صحية.. خلاه كلب منه تقديم الدور بداله.. واشترط لطفي لبيب ان الفنان محمد شرف يأخذ أجره كامل وكأنه هو الذي قدم الفيلم.. 

الأفضل في الكوميديا 

وكمل وقال.. راضي هو النموذج السيئ اللي مشوه شكل السياحة في مصر.. ومحمد شرف الله يرحمه.. كان عامل عملية في المخ وبدأ يفقد الذاكرة ويتوه.. وقالوا لازم يتغير وجابوني.. وقالولي تعبان قلت لهم ياخد أجره كامل شرط دخولي الفيلم.. وعلشان كدة وافقت.. وده حق محمد شرف وكان هيعمله أحسن مني والله.. 

وعن الوجه الشباب اللى شايفهم الأفضل في الكوميديا.. قال انه يعتبر طه الدسوقي افضل النجوم حاليا لانه ممثل شاطر.. وقال ان كاملة ابو زكري من أشهر المخرجين وأحمد نادر جلال كمان.. واشتغل معاهم فيلم واحد صفر واخد جوايز كتير عليه.. 

و وجه رسالة للفنان أحمد السعدني بعد وفاة والده وطلب منه ميكتئبش.. وقال.. معتقدش إن أحمد السعدني ممكن يكتئب.. لأنه لازم يفرح.. لأن أبوه في مكان أفضل وتاريخ صلاح السعدني ناصع البياض ومينفعش أنه يزعل أوي أو يكتئب.. لأن ده يخليه يفخر بتاريخ أبوه.. وصلاح السعدني قدم أعمال فنية مهمة.. وأنصحه أنه يستكمل مسيرة والده في مشواره الفني..