أخرج لها أنجح مسلسلين في مسيرتها الفنية.. والتعاون بينهم قلب بخناقه وتعدي بالضرب.. وشتيمة بـ ألفاظ خارجة.. وتهديدات وصلت لـ المحاضر والأقسام.. وقطيعة بينهم استمرت لـ سنين.. فيا ترى الصلح بينهم قرب ولا لسة !
معروف عن الفنانة غادة عبدالرازق إنها الست القوية اللي مبتنسيش حقها.. ومعروف عن المخرج محمد سامي عصبيته اللي بيتعامل بيها مع الفنانين اللي بيشتغل معاهم.. تخيل ممكن يحصل ايه لما الاتنين دول يجتمعوا مع بعض وفي عمل واحد..في التفاهم والصداقة اللي بينهم ممكن تتقلب في ثانية لـ عداوة وخناقات.. ودا اللي حصل بالظبط مع غادة ومحمد سامي .. واللي الخلافات والقطيعة بينهم استمرت لـ سنين.. فيا ترى كان ايه سبب خلافاتهم.. وهل ممكن يتصالحوا الفترة الجاية ؟ ..
الخناقة بدأت بمسلسل حكاية حياة
التعاون بين غادة عبدالرازق والمخرج محمد سامي بدأ من مسلسل “مع سبق الإصرار”.. واللي حقق نجاح كبير جدًا مستمر لحد اللحظة.. ودا اللي خلاهم يكرروا تعاونهم مرة ثانية في مسلسل “حكاية حياة” في 2013.. والمرة ده قررت “غادة” تشارك في إنتاجه.. وكمان البطلة بتاعته.. أما محمد سامي فيكون المخرج.. لكن أثناء التصوير حصل مشاكل كتير بين محمد سامي وغادة.. بسبب تعديه المستمر بألفاظ خارجة على اللي بيشتغلوا في اللوكيشن.. وحصلت خناقة بين غادة ومحمد سامي كبيرة في اللوكيشن.. واتهمته غادة إنه اتعدى عليها بالضرب وكمان بـ ألفاظ خارجة وخادشة للحياء قدام كل اللي موجودين في اللوكيشن..
https://www.facebook.com/share/v/iHL1EJfT1YeF8Xoe/?mibextid=oFDknk
خلافاتهم وصلت لـ المحاضر والأقسام
وخناقة غادة ومحمد سامي موقفتش لحد كدا.. فـ كمان محمد سامي اتهم غادة عبدالرازق إنها بعتتله بلطجية ضربوه في بيته.. وهددوه إنهم ممكن يخطفوا ولاده كمان.. ووصلت الخلافات بينهم لـ محاضر عملوها لبعض في القسم واتهامات بمحاضر رسمية.. لحد ما نقابة المهن التمثيلية أدخلت.. وطلبت منهم ينهوا الخلافات ويكملوا تصوير المسلسل.. خاصة إنهم كانوا خلصوا جزء كبير منهم.. عشان يقدروا يحافظوا على حقوق المنتجين والممثلين.. وفعلا كملوا المسلسل وحقق نجاح كبير.. لكن من وقتها والتعاون بينهم وقف.. والقطيعة بينهم استمرت لـ سنين..
مخسرتش ومش ندمانة
وبعد الخلاف اللي استمر بينهم سنين.. حاول المقربين منهم إنهم يصالحهم على بعض.. لكن كل واحد فيهم كان رافض.. ولما اتسألت “غادة” أكتر من مرة عن رد فعلها قالت: “أنا رديت قبل كده،، مينفعش ارد مرة ثانية،، لانها هتبقى تانى مرة استخدم منطقة ضعفه وأقوم أرد،، أنا ليا حق الرد مرة واحدة،، لو رديت تانى هتبقى قلة أدب مني لأنه دلوقتي هو في موقف ضعف،، انا هستناه لما يقوم ويبقى في موقف قوة وأقدر أقف تاني قصاده ساعاتها،، لكن مش هبقى سكينة لما يجي يقع،، وأنا مخسرتش،، ولو اتصالحنا نتصالح على المستوى الشخصي بس.
ولو شفته في حتة وهو معدي مش هروح اسلم عليه بايديا وهقوله سلام عليكوا ومش هستنى يرد عليا،، ومش هتوصل بيا إني أروح اعتذرله ابدًا لأني مش ندمانة على اللي عملته لكن بحاول أكون دبلوماسية”.. ووقتها فعلا كان محمد سامي شغله كله واقف بسبب خلافاته مع شركة المتحدة.. وعشان كدا رفضت “غادة” إنها تتكلم في موضوع خلافهم مرة تانية..
الصلح بينا مستحيل
أما محمد سامي فهو كمان رد لما اتسأل عن خلافاته مع غادة عبدالرازق.. وإمكانية إنهم ممكن يرجعوا يتصالحوا بعد كل اللي حصل بينهم.. فرد محمد سامي وقال: “عيب من عيوب شخصيتي إني بغضب بسرعة، فمهما كان اللي قدامي اللي مقصر،، أنا بشيل الغلط بسبب غضبي،، المشكلة مع غادة عبدالرازق طوّلت لأن كان فيه تعدي على بيتي،، والبيت ده دخلته وكلنا عيش وملح سوا،، وفيه حرمات بيت مينفعش التعدي عليها،، العلاقة معدتش ولا هتعود، ومهما اختلفنا في اختلافنا في الشغل،، ومينفعش بعدها نتكلم على بعض”..
ولحد دلوقتي الخلاف بين محمد سامي وغادة عبدالرازق لسة مستمر.. ومقرر وش يتصالحوا بعد اللي حصل بينهم.. فيا ترى ممكن المنتجين يقدروا يصالحهم على بعض ويرجعوا يشتغلون سوا.. ولا الخلافات والقطيعة هتفضل مستمرة بينهم .. هنشووف !
