https://fb.watch/oF5u8Z9OYa/?mibextid=WaXdOe

خرجت الدورة التالته إلى النور من مهرجان البحر الأحمر بمدينة جدة بالمملكة العربية السعودية وسط إحتفاء عالمي في حضور كبير من نجوم هوليوود و بوليوود و برضة من هيليود الشرق الأوسط مصر .
شوفنا ويل سميث وجوني ديب ومريم أوزلي ونبيلة عبيد وياسمين صبري ولبلبلة وقيس خولي و ماغي بوغصن .. المهم خلينا نتكلم عن أهم اللقطات اللى حصلت فى مهرجان البحر الأحمر وايه اللى حصل على الريد كاربت وفي حفل الإفتتاح ..

ويل سمث وخفة دمه
نجم هوليوود ويل سميث كان أكتر النجوم اللى لاحظنا عليهم خفة الظل فى تواجدهم فى حفل الإفتتاح وتقدر تقول انه يستحق لقب الأطيب على الريد كاربت يعني مفيش شخص قصده في سيلفي وخيب ظنه .. وكان دايما ً بيهزر مع المصوريين وكل واحد بيحاول يتصور معاه وكان باين عليه اوي انه مبسوط انه اول مره يحضر مهرجان البحر الأحمر

تواضع جوني ديب
الممثل العالمي جوني ديب اتعرض لموقف ممكن تقول عليه محرج ولكن الموقف خرج بشكل يخليك تقول عليه متواضع وهو في عز مكان مندمج وبياخد صورة الريد كاربت أحدى الممثلات اقتحمت عليه الصورة لتلتقط معه صورة تذكارية لكن لما تشوف الصورة تحس انهم كابلز وصحاب داخلين مع بعض

مريم أوزلي محجبة
مريم اوزلي الشهيرة بالسطانة هويام كانت خاطفة الانظار من أول ما دخلت على السجادة الحمرا طبعا ً مش محتاجين نقول انها بتخطف الأنظار كده كده .. لكن الملفت النهارده ان مريم أوزلي اختارت تقليعه جديدة وهي أنها لبست فستان مكشوف الدراعيين و بغطاء رأس ..

اختلاف مايا دياب
لو لاحظنا الأزياء اللى ظهرت بها أغلب الفنانات على الريد كاربت هنلاقي معظمهم كانوا لابسين اسود زي مثلا ً ياسمين صبري وليلي علوي و لبلبة وسنتيا خليفة وغيرهم .. لكن مايا دياب خرجت بإطلالة باللون الدهبي وده اللى خلالها تلفت الأنظار أكثر وسط الحاضرين .


ياسيمن صبري ودينا الشربيني تريند اي مهرجان
دايماً في أي مهرجان بنلاقي محركات البحث بتهتم بالريد كاربت ودايماً ياسمين صبري ودينا الشربيني بيكونوا متصدرين فيها علشان كده حبين بس نشارك التريند المحتمل ونقول لياسمين و دينا حلو الأوت فيت .

عبد الله السدحان
من المشاهد المؤثرة في حفل الإفتتاح هو بكاء الفنان السعودي عبدالله السدحان أثناء منحه جائزة اليسر من مهرجان البحر الأحمر السينمائي. وتم تكريمة في حفل الإفتتاح برفقة اثنين من نجوم السينما العالمية، هما الألمانية ديان كروغر والهندي رانفير سينغ.