![](https://onetakeeg.com/wp-content/uploads/2024/05/IMG-20240514-WA0005.jpg)
مصطفى كامل مقدرش يمسك دموعه.. العروسة لبست فستان ملكي وغنا في فرحها كل نجوم مصر.. عريسها قبطان بحري وشبكتها الماظ.. لقطات من فرح بنت مصطفى كامل الاسطوري..
فرح اسطوري
في فرح اسطوري حضره نجوم مصر كلهم.. احتفل الفنان مصطفى كامل نقيب المهن الموسيقية.. ببنته فرح.. في واحد من اكبر فنادق القاهرة..
واتألقت العروسة بفستان من توقيع المصمم أحمد العقاد.. بستايل ملوكي خطف قلوب كل الل شافوه.. مع مكياج هادي ابرز ملامحها.. وسابت شعرها مفرود على ضهرها.. أول ما شافها مصطفى كامل مقدرش يمسك دموعه.. واتأثر جدا وبكى على الاستيدج وهو بيقدمها لعريسها..
حبيبة ابوها
ومعروف ان فرح حبيبة ابوها.. وقال لعريسها في الفرح حافظ عليها انا اديتك اغلى حاجه في حياتي اوعى تزعلها.. وكان اتكلم عنها قبل كد في تصريحات تلفزيونية.. ان فرح بنته اتخرجت من كلية الاعلام وبيغير عليها جدا علشان كد هو رافض تماما انها تشتغل في مجال الفن.. في حين انه مش رافض انها تشتغل في مجال الاعلام.. لكن تكون ممثلة ده ممنوع..
الفرح حرفيا كان من اكبر الافراح الل حصلت في تاريخ الوسط الفني.. فبرغم تعبه ومرضه الشديد حرص النجم محمد منير على حضور الفرح وغني للعروسة اشهر اغانية وتحديدا اغنية عروسة النيل..
دويتو بين تامر ومصطفى قمر
وشعلل الفرح دويتو بين مصطفى قمر وتامر حسني الل غنوا مجموعة من افضل اغانيهم واتفاعل معاهم المعازيم بشكل كبير..
وانهار مصطفى كامل من العياط تاني لما غنى مدحت صالح اغنية بنتي وحبيبتي.. وعلى قد ما بكى ومقدرش يتحكم في دموعه ساب الكوشة ونزل وحاول يروح في مكان بعيد عن الكاميرات علشان يسيطر على دموعه..
نجوم مصر
وقدم النجم محمد حماقي وتامر عاشور عدد من اغانيهم.. ومن النجوم كمان الل كانوا موجودين.. بشرى وأحمد عصام ونادية مصطفى وزوجها أركان فؤاد.. وحلمي عبد الباقي وصبري فواز وصلاح عبد الله والموسيقار سليم سحاب والمطربة بوسي وعماد زيادة.. والراقصة دينا.. وعصام كاريكا والمنولوجيست فيصل خورشيد.. والملحن وليد سعد.. والليثي ورضا البحراوي..
وحضر الفرح الفنان اللبناني الكبير وليد توفيق لل حرص على تحية صديقه الفنان مصطفى كامل.. واكد انه جاله من لبنان مخصوص علشان الفرح..
https://www.facebook.com/share/v/8YdcyPdPNyuvNDSB/?mibextid=oFDknk
احمد ادم
وبعد غياب طويل عن الكاميرات والشاشات ظهر الفنان احمد ادم في حفل زفاف بنت الفنان مصطفى كامل.. وكان قاعد على نفس التربيزة مع عصام كاريكا..
ومفاجأة الفرح كانت حضور نجوم المهرجانات برغم المشاكل الكبيرة الل كانت بينهم وبين النقابة.. وابرزهم كان حسن شاكوش وحمو بيكا.. الل غنوا في الفرح..
كمان محمد رمضان فاجئ الكل بحضوره الفرح.. وكسر الدنيا بأغانيه مع العروسة وعريسها.. وحيا مصطفى كامل وقاله.. يا نمبر وان.. فرد عليه مصطفى كامل وقاله مفيش نمبر وان غيرك..
محمد رمضان
وكان مصطفى كامل قال في تصريحات سابقة.. انه بيحب دم محمد رمضان وانه بيعتبره من الشخصيات القريبة لقلبه.. وأخوه الصغير وبينهم حب متبادل وكان متنبأله وهو صغير بنجاحه الكبير..
والناس بتسأل مين هو عريس فرح.. العريس اسمه يوسف عبد الحكيم قبطان بحري.. خطب فرح في 2021.. وقدملها شبكه كامله من الالماس.. فرحه حرفيا كان فيه اكتر من 200 بودي جارد.. وده بسبب كمية النجوم الل كانت موجودة في الفرح..